كوكتەم مەزگىلىنىڭ باستالۋىمەن كەنە شاعۋىنا بايلانىستى 478 ادام مەديتسينالىق كومەككە جۇگىنگەن, الايدا كەنە ەنتسەفاليتى تىركەلگەن جوق. بۇل تۋرالى دەنساۋلىق ساقتاۋ مينيسترلىگى ءمالىم قىلدى, دەپ جازادى Egemen.kz.
كۇن جىلىنعان سايىن تابيعاتتا, اسىرەسە ءشوپ باسقان ايماقتاردا كەنەگە تاپ بولۋ قاۋپى جوعارىلايدى. ەلىمىزدە جۇقتىرۋ قاۋپى جوعارى 7 ەندەميالىق ءوڭىر انىقتالعان: الماتى قالاسى, الماتى, شىعىس قازاقستان, جەتىسۋ وبلىستارى, سونداي-اق اقمولا, سولتۇستىك قازاقستان, اباي وبلىستارىنىڭ جەكەلەگەن اۋداندارى.
كەنە ەنتسەفاليتى – كەنە شاعۋى ارقىلى تارالاتىن, مي مەن ج ۇلىندى زاقىمدايتىن قاۋىپتى ۆيرۋستىق اۋرۋ. اۋرۋ اسقىنعان جاعدايدا اۋىر نەۆرولوگيالىق سالدارعا اكەلۋى مۇمكىن, سوندىقتان الدىن الۋ شارالارىن قاتاڭ ساقتاۋ ماڭىزدى.
بۇگىنگى تاڭدا ەلدەگى ەپيدەميولوگيالىق جاعداي تۇراقتى:
كەنە ەنتسەفاليتى جاعدايلارى تىركەلگەن جوق; 478 ادام مەديتسينالىق كومەككە جۇگىنگەن, ونىڭ ىشىندە 232-ءسى – بالالار; زارداپ شەككەندەردىڭ 97% پروفيلاكتيكالىق كومەك العان.اق حالاتتى الاياقتار كوبەيدى: دەنساۋلىق ساقتاۋ مينيسترلىگى ازاماتتارعا ەسكەرتۋ جاسادى
ماۋسىمعا دايىندىق الدىن الا جۇرگىزىلىپ جاتىر. قاۋىپ توبىنداعى ازاماتتاردى ۆاكتسيناتسيالاۋ جالعاسىپ جاتىر – قازىردىڭ وزىندە 5 845 ادام ەگىلدى. سونىمەن قاتار ەلدە ۆاكتسينا مەن يممۋنوگلوبۋليننىڭ جەتكىلىكتى قورى بار. الماتى قالاسى جانە الماتى, جەتىسۋ وبلىستارىندا كەنەگە قارسى وڭدەۋ جۇمىستارى باستالدى.
ماماندار كەنە شاعۋىنىڭ الدىن الۋ ءۇشىن قاراپايىم, بىراق ءتيىمدى شارالاردى ۇسىنادى:
ۆاكتسيناتسيا – ەڭ سەنىمدى قورعانىس ءتاسىلى; جابىق, اشىق ءتۇستى كيىم كيۋ; ارنايى رەپەللەنتتەردى قولدانۋ; تابيعاتتا بولعاندا بيىك شوپتەن اۋلاق بولۋ جانە دەنەنى ۇنەمى تەكسەرىپ وتىرۋ; ءسۇت ونىمدەرىن تۇتىناردا مىندەتتى تۇردە قايناتۋ.ەگەر كەنە تەرىگە جابىسىپ قالسا, بىردەن دۇرىس ارەكەت ەتۋ قاجەت. ماماندار كەنەنى پينتسەت نەمەسە ءجىپ ارقىلى ابايلاپ الىپ تاستاۋدى, شاعۋ ورنىن انتيسەپتيكپەن وڭدەۋدى, مۇمكىن بولسا, كەنەنى زەرتحاناعا تاپسىرۋدى جانە مىندەتتى تۇردە دارىگەرگە قارالۋدى ۇسىنادى. قاجەت بولعان جاعدايدا 72 ساعات ىشىندە يممۋنوگلوبۋلين ەنگىزىلەدى.
دەنساۋلىق ساقتاۋ مينيسترلىگى اتاپ وتكەندەي, كەنە ەنتسەفاليتى – الدىن الۋعا بولاتىن قاۋىپتى اۋرۋ. قاراپايىم ساقتىق شارالارىن ساقتاۋ جانە ۋاقتىلى مەديتسينالىق كومەككە جۇگىنۋ ارقىلى ءوز دەنساۋلىعىڭىزدى جانە جاقىندارىڭىزدى قورعاۋعا بولادى.تابيعات اياسىندا دەمالعاندا ساقتىق تانىتۋ – قاۋىپسىزدىكتىڭ باستى كەپىلى.
دەنساۋلىق ساقتاۋ سالاسىنداعى سەرپىن: ەلىمىزدە نارەستە ءولىمى ايتارلىقتاي تومەندەدى