اۋىل مەن اۋدانداعى مادەنيەت سالاسى قىزمەتكەرلەرىنىڭ الەۋمەتتىك جاعدايى ءماجىلىس مىنبەرىندە تاعى دا كوتەرىلدى. دەپۋتات نارتاي سارسەنعاليەۆتىڭ ايتۋىنشا, جىلدار بويى ەڭبەك ەتىپ جۇرگەن مادەنيەت ماماندارىنىڭ جالاقىسى كۇنكورىسكە جەتپەيدى, ال بۇل سالاعا جاس كادرلاردىڭ كەلۋىن تەجەپ وتىر, دەپ جازادى Egemen.kz.
دەپۋتاتتىڭ مالىمەتىنشە, مادەنيەت ۇيىندە 20 جىل ەڭبەك ەتكەن قىزمەتكەردىڭ ايلىعى نەبارى 200 مىڭ تەڭگە شاماسىندا. كوپ جاعدايدا ولار سىياقى مەن ۇستەماقىدان قاعىلىپ وتىر. وسى سەبەپتى ونەر اكادەميالارى مەن كونسەرۆاتوريا تۇلەكتەرى اۋىلدىق جەرلەرگە بارۋعا ق ۇلىقسىز. جاستار تاجىريبەلى بۋىننىڭ اۋىر جاعدايىن كورىپ, شالعايعا جۇمىسقا بارۋدان باس تارتادى.
بۇدان بولەك, اۋىلداعى مادەنيەت ۇيلەرىندە ءبىر مامان بىرنەشە مىندەتتى قاتار اتقارۋعا ءماجبۇر. ياعني, ءبىر ادام ۇيىمداستىرۋشى, ءارى رەجيسسەر, ستسەناريست, جۇرگىزۋشى, كوركەمدىك جەتەكشى قىزمەتىن قوسا اتقارادى. بۇل ەڭبەك جۇكتەمەسىنىڭ شامادان تىس ەكەنىن كورسەتەدى.
ەلىمىزدەگى پسەۆدوپسيحولوگتارعا ايىپپۇل ەنگىزىلۋى مۇمكىن
«تابىسقا تاۋەلدى تاعى ءبىر تۇيتكىل, اۋىلدىق مادەنيەت ۇيلەرىندەگى ديرەكتورلارعا جۇمىس ءوتىلى دە, ساناتى دا سانالمايدى. سالدارىنان ولار قاتارداعى قىزمەتكەرلەردەن از ايلىق الادى. بۇل دا ءتۇيىنى تارقاماعان تۇيتكىل. جۇمىس كۇنى ەلمەن بىرگە ەڭبەك ەتەتىن مادەنيەت سالاسىنىڭ قىزمەتكەرلەرى مەرەكە كۇندەرى دەمالعان حالىقتىڭ كوڭىلىن كوتەرۋ ءۇشىن تاعى قىزمەت ەتەدى, ونەر كورسەتەدى. ودان قاشپايدى دا شىعارماشىلىق تۇلعالار, تەك تىنىمسىز ەڭبەككە تولەنەتىن اقى دا اقىلعا قونىمدى بولسا دەيدى. سەبەبى مادەنيەت بۇل ۇلتتىق يدەولوگيانىڭ اجىراس بولىگى. سوندىقتان مادەنيەتتىڭ مايتالماندارىنا, شالعايدا شىعارماشىلىقتىڭ شامىن سوندىرمەي وتىرعان جاندارعا جالاقىنى كوتەرۋ كەرەك», دەدى دەپۋتات.
قالاداعى مادەنيەت قىزمەتكەرلەرىنىڭ دە جاعدايى ءماز ەمەس. سەبەبى ولارعا اۋىلدىق جەرلەرگە بەرىلەتىن 25% ۇستەمەاقى قاراستىرىلماعان. ال وڭىرلەردەگى مادەنيەت نىساندارىنىڭ ماتەريالدىق-تەحنيكالىق بازاسى ەسكىرگەن – باسىم بولىگى جوندەۋدى قاجەت ەتەدى.
دەپۋتات قاسىم-جومارت توقاەۆتىڭ «مادەنيەت – ۇلتتىڭ تولقۇجاتى» دەگەن ءسوزىن ەسكە سالا وتىرىپ, بۇل سالانى دامىتۋ – ستراتەگيالىق مىندەت ەكەنىن اتاپ ءوتتى. ونىڭ پىكىرىنشە, مادەنيەت – ۇلتتىق يدەولوگيانىڭ اجىراماس بولىگى, سوندىقتان وعان جۇيەلى قولداۋ قاجەت.
ماسەلەنى شەشۋ ءۇشىن دەپۋتات تاراپىنان بىرقاتار ناقتى ۇسىنىستاردى ورتاعا سالدى:
اۋىلدىق جانە اۋداندىق مادەنيەت ۇيىمدارىن كۇردەلى جوندەۋدەن وتكىزىپ, ماتەريالدىق بازاسىن جاڭارتۋ; مەرەكە جانە دەمالىس كۇندەرىندەگى جۇمىسقا قوسىمشا اقى تولەۋدى قاتاڭ باقىلاۋ; مادەنيەت قىزمەتكەرلەرىنە الەۋمەتتىك پاكەت (كوتەرمەاقى, تۇرعىن ءۇي, ساۋىقتىرۋ) بەرۋ تەتىكتەرىن ەنگىزۋ; جالاقىنى تۇراقتى تۇردە ارتتىرۋ مەحانيزمىن قالىپتاستىرۋ; بىلىكتىلىكتى ارتتىرۋ جانە شەتەلدىك تاجىريبە الماسۋ مۇمكىندىكتەرىن كەڭەيتۋ.دەپۋتاتتىڭ ايتۋىنشا, بۇل شارالار جۇزەگە اسسا, مادەنيەت سالاسىنىڭ بەدەلى ارتىپ, اۋىلداعى رۋحاني ءومىر جاڭا دەڭگەيگە كوتەرىلەدى.
قازاقستاندا ءار ساعات سايىن بەس ادامدى يت قابادى