سوڭعى جىلدارى ەلىمىزدە بۇرالقى يتتەردىڭ ادامعا شابۋىلى جيىلەپ, بۇل ماسەلە قوعامدىق قاۋىپسىزدىكتىڭ وزەكتى تاقىرىبىنا اينالدى. ءماجىلىس دەپۋتاتى ەدىل ءجاڭبىرشيننىڭ ايتۋىنشا, بۇل تەك جانۋارلارعا قاتىستى ماسەلە ەمەس – بۇل ادام ءومىرى مەن دەنساۋلىعىن قورعاۋعا تىكەلەي قاتىستى تۇيتكىل, دەپ جازادى Egemen.kz.
ءماجىلىستىڭ جالپى وتىرىسىندا جانۋارلارعا جاۋاپكەرشىلىكپەن قاراۋ تۋرالى زاڭ جوباسى تالقىلانىپ جاتقان كەزدە دەپۋتات قوعامداعى احۋالدىڭ كۇردەلىلىگىن ناقتى دەرەكتەرمەن كورسەتتى. ونىڭ سوزىنشە, ەلىمىزدە ورتاشا ەسەپپەن ءبىر ساعاتتا بەس ادامدى يت قابادى.
دەپۋتاتتىڭ ايتۋىنشا, بۇل ماسەلە تەك ەموتسيامەن ەمەس, ناقتى ستاتيستيكامەن دالەلدەنىپ وتىر. سوندىقتان بۇل جەردە ءسوز تەك جانۋارلار تۋرالى زاڭعا ەمەس, قوعامدىق ءتارتىپ پەن مەملەكەتتىڭ جاۋاپكەرشىلىگىنە كەلىپ تىرەلەدى.
سوڭعى ءبىر جىلدىڭ ىشىندە 41 366 ادامدى يت قاپقان, ونىڭ ىشىندە 23 134 ادام بۇرالقى يتتەردىڭ شابۋىلىنان زارداپ شەككەن. ال 2024 جىلى بۇل كورسەتكىش 38 848 جاعدايدى قۇراعان, سونىڭ 24 410-ى بۇرالقى يتتەر. بۇل دەرەكتەر ماسەلەنىڭ ازايماي, كەرىسىنشە كۇردەلەنە تۇسكەنىن كورسەتەدى.
ەدىل جاڭبىرشين اتاپ وتكەندەي, ءاربىر ساننىڭ ارتىندا ناقتى ادام تاعدىرى تۇر – بالالاردىڭ جاراقاتى, ازاماتتاردىڭ پسيحولوگيالىق كۇيزەلىسى, كەي جاعدايلاردا مۇگەدەكتىك, ءتىپتى ادام ءولىمى دە بار. ماسەلەن, وسكەمەندە بۇرالقى يتتەر 11 جاستاعى بالاعا شابۋىل جاساعان. مۇنداي وقيعالار ورال, كوكشەتاۋ, جالپاقساي اۋىلى جانە قوسشى قالاسىندا دا تىركەلگەن. ال 2022 جىلى اقتوبە وبلىسىندا بۇرالقى يتتەردىڭ شابۋىلىنان بالا كوز جۇمعان.
«مالشى مەن ۆەتەرينار جوق»: دەپۋتات ازىق-ت ۇلىك قاۋىپسىزدىگىنە قاۋىپ ءتونىپ تۇرعانىن ايتتى
دەپۋتاتتىڭ ايتۋىنشا, قوعامنىڭ ورىندى ساۋالى رەتىندە ايتقاندا, ادامداردىڭ قاۋىپسىزدىگىنە, بۇرالقى يتتەرگە, جۇيەنىڭ ارەكەتسىزدىگىنە كىم جاۋاپ بەرەدى دەگەن سۇراققا مەملەكەت ناقتى جاۋاپ بەرە الماسا, ماسەلە تەك يتتەردە ەمەس, قۇقىقتىق جانە باسقارۋشىلىق ۆاكۋمدا جاتىر.
وڭىرلەردە تۇرعىندارمەن كەزدەسۋلەر بارىسىندا دا تۇرعىندار بۇرالقى يتتەر ماسەلەسىن شەشۋدى تالاپ ەتىپ وتىرعان. وسىعان بايلانىستى «امانات» پارتياسىنىڭ دەپۋتاتتارى باستاما كوتەرىپ, زاڭ جوباسىن العا شىعارعان, ال باسقا فراكتسيالار دا بۇل باستامانى قولداعان.
بۇگىنگى تاڭدا بۇرالقى يتتەر ماسەلەسى – تەك سانيتارلىق نەمەسە تۇرمىستىق پروبلەما ەمەس, قوعامدىق قاۋىپسىزدىك پەن مەملەكەت تۇراقتىلىعىنىڭ ماڭىزدى ينديكاتورى. بۇل باعىتتا ناقتى شەشىمدەر قابىلدانباسا, جاعدايدىڭ ودان ءارى كۇردەلەنە ءتۇسۋ قاۋپى جوعارى.
دەپۋتات ايتۋار قوشمامبەتوۆ جالاقىعا تۇسەتىن سالىق جۇكتەمەسىن ازايتۋدى ۇسىندى