اقمولا وبلىسىنىڭ قورعالجىن اۋدانىندا ەرىگەن قار سۋىنىڭ كەلۋىنە بايلانىستى شوپتىكول بوگەتىنىڭ بۇزىلۋى تىركەلدى. وقيعا ورنىنا وبلىس اكىمى مارات احمەتجانوۆ پەن توتەنشە جاعدايلاردىڭ الدىن الۋ كوميتەتىنىڭ توراعاسى سەرىك جۇنىسبەكوۆ باردى. وبلىس اكىمىنىڭ ورىنباسارى مۇرات بالپاننىڭ جەتەكشىلىگىمەن جەدەل شتاب قۇرىلدى, دەپ حابارلايدى Egemen.kz.
قازىرگى تاڭدا جاقىن ماڭداعى سابىندى اۋىلى ءۇشىن سۋ باسۋ قاۋپى تولىق جويىلدى. ەلدى مەكەندەگى بارلىق نىساندار شتاتتىق رەجيمدە جۇمىس ىستەپ تۇر.
اقمولا وبلىسىندا شوپتىكول بوگەتى بۇزىلدى
توتەنشە جاعداي سالدارىن جويۋ ماقساتىندا جەرگىلىكتى اتقارۋشى ورگاندار, تجم كۇشتەرى جانە تۇرعىندار جۇمىلدىرىلىپ, استانا – قورعالجىن رەسپۋبليكالىق اۆتوجولىنىڭ جول جامىلعىسىنىڭ دەڭگەيىن كوتەرۋ ارقىلى ەرىگەن سۋدى دالا ايماعىنا بۇرۋ جۇمىستارى جۇرگىزىلىپ جاتىر.
سۋ تاسقىنى: قازاقستاننىڭ بىرنەشە وڭىرىندە تاسجولداردى سۋ باستى
جۇمىسقا 56 تەحنيكا مەن 230-دان استام ادام تارتىلعان. سونداي-اق 5 مىڭ قاپ, 50 مىڭ توننا ينەرتتى ماتەريال دايىندالىپ, 800 مەترگە جۋىق قورعانىس ءۇيىندىسى توسەلدى. قازىرگى جاعداي ءتيىستى قىزمەتتەردىڭ تۇراقتى باقىلاۋىندا.
ايتا كەتەيىك, شوپتىكول بوگەتىنىڭ سىيىمدىلىعى 4,71 ملن تەكشە مەتردى قۇرايدى. سۋ ايدىنىنىڭ اۋماعى 157 گەكتار, ورتاشا تەرەڭدىگى شامامەن 3 مەتر. بۇل نىسان استانا – قورعالجىن اۆتوجولىن سۋ باسۋدان قورعاپ, شەۆچەنكو جانە بالقاش توعاندارىن سۋمەن قامتاماسىز ەتەدى.
قوستاناي وبلىسىندا سۋ تاسقىنى سالدارىنان جول جابىلدى