پاۆلوداردا پوليتسەيلەر جاڭا تۋعان ءسابيدى ساتۋدىڭ الدىن الدى. اناسى ءۇش كۇندىك قىزىن 800 مىڭ تەڭگەگە باعالاعان, دەپ حابارلايدى Egemen.kz.
وڭىرلىك پوليتسيا دەپارتامەنتىنىڭ مالىمەتىنشە, تۇركىستان وبلىسىنىڭ 23 جاستاعى تۇرعىنى جۇكتىلىكتىڭ سوڭعى كەزەڭىندە الەۋمەتتىك جەلىلەر ارقىلى ساتىپ الۋشىلاردى ىزدەگەن.
جەدەل-ىزدەستىرۋ شارالارى بارىسىندا پوليتسيا قىزمەتكەرلەرى ونى انىقتاپ, قىلمىستىق نيەتىن قۇجاتتاپ, باقىلاۋ ارقىلى ۇستاعان. ايەل بوسانعاننان كەيىن ءۇش كۇندىك نارەستەنى اقشاعا بەرۋگە ارەكەت جاساعان ساتتە قىلمىس ۇستىندە قولعا ءتۇستى.
پوليتسيانىڭ جەدەل ءارى كاسىبي ارەكەتتەرىنىڭ ارقاسىندا بالا ءۇشىن اۋىر ءارى قايتىمسىز سالداردىڭ الدىن الۋ مۇمكىن بولدى.
اتالعان دەرەك بويىنشا قىلمىستىق ءىس قوزعالدى. كۇدىكتى ۋاقىتشا ۇستاۋ يزولياتورىنا قامالدى.
جاڭا تۋعان قىز دارىگەرلەردىڭ باقىلاۋىندا, ونىڭ ءومىرى مەن دەنساۋلىعىنا قاۋىپ جوق. قازىرگى ۋاقىتتا وقيعانىڭ بارلىق ءمان-جايى انىقتالىپ جاتىر. سوڭعى قۇقىقتىق باعا زاڭ تالاپتارىنا سايكەس بەرىلەدى.
ەكىباستۇزدا تۋعانىنا 19 كۇن عانا تولعان ءسابي اناسىنان اجىراتىلدى
پاۆلودار وبلىسى ۇيىمداسقان قىلمىسقا قارسى كۇرەس باسقارماسىنىڭ باستىعى عابيت قابدراحمانوۆتىڭ ايتۋىنشا, قازاقستاندا ادام ساۋداسىنا, اسىرەسە بالالارعا قاتىستى كەز كەلگەن ارەكەتتەر قاتاڭ تۇردە توقتاتىلادى.
ءسابي ءولىمى بويىنشا الەمدىك رەيتينگ جاريالاندى: قازاقستاننىڭ كورسەتكىشى قانداي؟