FlyArystan اقتاۋ – دۋباي – اقتاۋ باعىتى بويىنشا رەيستەردىڭ ۋاقىتشا توقتاتىلۋ مەرزىمىن 2026 جىلعى 19 ساۋىرگە دەيىن ۇزارتاتىنىن مالىمدەدى, دەپ حابارلايدى Egemen.kz.
بۇل شەشىم تاياۋ شىعىس وڭىرىندەگى تۇراقسىز جاعدايدىڭ ساقتالۋىنا جانە قولدانىستاعى شەكتەۋلەرگە بايلانىستى قابىلداندى.
«بۇعان دەيىن اۋەكومپانيا وسى باعىت بويىنشا رەيستەردىڭ 2026 جىلعى 31 ناۋرىزعا دەيىن ۋاقىتشا توقتاتىلعانى تۋرالى حابارلادى. قازىرگى جاعدايدا رەيستەردى ورىنداۋ مۇمكىن ەمەس, وسىعان بايلانىستى توقتاتۋ مەرزىمى ۇزارتىلدى. بارلىق شەشىم ۇشۋ قاۋىپسىزدىگىن قامتاماسىز ەتۋ ماقساتىندا قابىلدانادى», دەلىنگەن حابارلامادا.اۋە كومپانياسىنىڭ مالىمەتىنشە, كۇشى جويىلعان رەيستەر جولاۋشىلارىنا بيلەتتى ساتىپ العان جەرى بويىنشا كەيىنگى كۇندەرگە تەگىن قايتا برونداۋ نەمەسە ايىپپۇلسىز تولىق قايتارۋ مۇمكىندىگى ۇسىنىلادى.
مەرەكە قارساڭىندا وتاندىق اۋە كومپانيالار رەيستەر سانىن كوبەيتتى
«اۋەبيلەتتەردى FlyArystan رەسمي سايتىندا نەمەسە ءموبيلدى قولدانبادا ساتىپ العان جولاۋشىلار برونداۋدى ونلاين تۇردە باسقارا الادى. ال قالعان جولاۋشىلار وزدەرىنىڭ تۋروپەراتورىنا نەمەسە تۋريستىك اگەنتتىگىنە جۇگىنۋى قاجەت», دەپ حابارلادى FlyArystan اۋە كومپانياسىنىڭ ءباسپاسوز قىزمەتى