فيليپپين سايلاۋ كوميسسياسىنىڭ حالىقارالىق باقىلاۋشىسى حوۆەنسيو بالانكۋيت قازاقستانداعى رەسپۋبليكالىق رەفەرەندۋمنىڭ ۇيىمداستىرىلۋى مەن وتكىزىلۋىن وڭ باعالاپ, داۋىس بەرۋ وتە ۇيىمداسقان ءارى اشىق تۇردە وتكەنىن اتاپ ءوتتى, دەپ جازادى Egemen.kz.
ء«بىز فيليپپين رەسپۋبليكاسىنىڭ سايلاۋ كوميسسياسىنىڭ وكىلدەرى رەتىندە قازاقستانداعى رەفەرەندۋمعا قاتىسۋىمىزعا مۇمكىندىك بەرگەنى ءۇشىن العىس ايتامىز. داۋىس بەرۋ پروتسەسى وتە ۇيىمداسقان ۇلگىدە, تىنىش جانە اشىق ءوتتى», دەدى بالانكۋيت.
باقىلاۋشى ءارتۇرلى ازاماتتاردىڭ, سونىڭ ىشىندە داۋىس بەرۋگە كەلە المايتىن توپتاردىڭ قاتىسۋىنا ەرەكشە كوڭىل بولىنگەنىن اتاپ ءوتتى.
«قازاقستاننىڭ سايلاۋ كوميسسياسى وسال توپتارعا, سونداي-اق ۇيدە داۋىس بەرۋگە مۇقتاج ازاماتتارعا ارنايى شارالار جاساپ, ولاردىڭ قۇقىقتارىن قامتاماسىز ەتتى», دەدى ول.
تاۋەلسىز باقىلاۋشىلار: بيۋللەتەندەردى سۋرەتكە ءتۇسىرىپ, ينتەرنەتكە جاريالاعاندار بولدى
سونىمەن قاتار بالانكۋيت سايلاۋ كوميسسيالارى مۇشەلەرىنىڭ كاسىبيلىگى مەن دايىندىق دەڭگەيىنە ءتانتى بولعانىن جەتكىزدى.
«مەن سايلاۋ ۋچاسكەلەرىندە جۇمىس ىستەگەن كوميسسيا مۇشەلەرىنىڭ شەبەرلىگى مەن ۇيىمداستىرۋشىلىق قابىلەتىنە قاتتى اسەر الدىم. قازاقستانداعى سايلاۋ پروتسەسىندە كوپتەگەن يننوۆاتسيالار قولدانىلىپ وتىر, بۇل تۋرالى ءبىز ءوز ەلىمىزدەگى سايلاۋ كوميسسياسى باسشىلىعىمەن تالقىلايمىز», دەدى ول.
الماتىدا تاۋەلسىز باقىلاۋشىلاردىڭ اقپاراتتىق شتابىنىڭ الدىن الا قورىتىندى بريفينگى ءوتتى
حوۆەنسيو بالانكۋيت داۋىس ساناۋ پروتسەسىنىڭ اشىق ءارى باقىلاۋشىلار قاتىسۋىمەن وتكىزىلگەنىن دە اتاپ ءوتتى.
ء«بىز داۋىس ساناۋدىڭ اشىق جانە ءمولدىر تۇردە ءوتىپ جاتقانىن كوردىك, باقىلاۋشىلاردىڭ بەلسەندىلىگى دە ەرەكشە. ونىمەن سويلەسكەندە, ولاردىڭ ۇنەمى ىنتامەن جۇمىس ىستەيتىنىن بايقادىق», دەپ تولىقتىردى ول.
ءسوز سوڭىندا باقىلاۋشى قازاقستان ورتالىق سايلاۋ كوميسسياسىن ءساتتى رەفەرەندۋم وتكىزگەنىمەن قۇتتىقتاپ, فيليپپين تاراپىنان باقىلاۋ ميسسياسىنا شاقىرعانى ءۇشىن العىس ايتتى.
تمد باقىلاۋشىلارى: رەفەرەندۋمدا داۋىس بەرۋ پروتسەسى اشىق ءارى ءادىل ءوتتى
ء«بىز 15 ناۋرىزداعى رەفەرەندۋمدى ءساتتى وتكىزگەنى ءۇشىن قازاقستاننىڭ ورتالىق سايلاۋ كوميسسياسىنىڭ توراعاسى مەن مۇشەلەرىن شىن جۇرەكتەن قۇتتىقتايمىز. سونىمەن قاتار, ءبىزدىڭ ەلىمىزدى وسى سايلاۋ پروتسەسىن باقىلاۋعا شاقىرعاندارى ءۇشىن العىس ايتامىز», دەدى ول.