قازاقستاندا وتكەن رەسپۋبليكالىق رەفەرەندۋم حالىقارالىق باقىلاۋشىلاردىڭ نازارىندا بولدى. تۇركيا جوعارى سايلاۋ كەڭەسىنىڭ توراعاسى احمەت يەنەر قازاقستانداعى داۋىس بەرۋ پروتسەسىنە وڭ باعا بەرىپ, سايلاۋ حالىقارالىق ستاندارتتارعا ساي وتكەنىن اتاپ ءوتتى, دەپ حابارلايدى Egemen.kz.
احمەت يەنەردىڭ ايتۋىنشا, قازاقستان حالقىنىڭ رەفەرەندۋمعا جوعارى بەلسەندىلىكپەن قاتىسۋى دەموكراتيالىق ۇدەرىستىڭ دامىپ كەلە جاتقانىن كورسەتەدى. ونىڭ مالىمەتىنشە, جاريالانعان الدىن الا ناتيجەلەر بويىنشا حالىقتىڭ 73,12 پايىزى رەفەرەندۋمعا قاتىسىپ, ۇسىنىلعان وزگەرىستەردى قولداعان.
«قازاقستان حالقىنىڭ سايلاۋ ۋچاسكەلەرىنە بەلسەندى كەلىپ, ءوز قۇقىقتارىن پايدالانىپ داۋىس بەرۋى دەموكراتيا تۇرعىسىنان وتە قۋانىشتى جاعداي», دەدى ول.
باقىلاۋشىلار سايلاۋ ۋچاسكەلەرىندەگى جۇمىس بارىسىن دا وڭ باعالادى. ولاردىڭ ايتۋىنشا, ۋچاسكە قىزمەتكەرلەرى كاسىبي دەڭگەيدە جۇمىس ىستەپ, بارلىق سۇراقتارعا تولىق جاۋاپ بەرگەن. بۇل ءوز كەزەگىندە سايلاۋ كوميسسياسىنىڭ الدىن الا جۇرگىزگەن دايىندىق جۇمىستارىنىڭ ساپاسىن كورسەتەدى.
رەسەي وسك وكىلى: قازاقستانداعى رەفەرەندۋم زاڭ تالاپتارىنا ساي ءوتتى
سونىمەن قاتار حالىقارالىق باقىلاۋشىلار ەرەكشە اتاپ وتكەن جاڭاشىلدىقتىڭ ءبىرى – مۇمكىندىگى شەكتەۋلى ازاماتتارعا ارنالعان اقپاراتتىق جۇيەلەر. كومپيۋتەرلىك فورماتتا ۇسىنىلعان تۇسىندىرمە ماتەريالدار سايلاۋ پروتسەسىن بارىنشا قولجەتىمدى ەتكەن.
«بۇل تاجىريبە ءبىز ءۇشىن وتە قىزىقتى ءارى پايدالى بولدى. بولاشاقتا باسقا ەلدەردەگى سايلاۋ پروتسەستەرىندە دە قولدانۋعا بولاتىن تاجىريبە دەپ سانايمىز», دەدى احمەت يەنەر.
جالپى العاندا, حالىقارالىق باقىلاۋشىلار قازاقستانداعى رەفەرەندۋم اشىق, ءادىل جانە قاۋىپسىز جاعدايدا وتكەنىن اتاپ ءوتتى. ولار ازاماتتاردىڭ داۋىس بەرۋ قۇقىعىنا ۇلكەن ءمان بەرىلگەنىن جانە بارلىق ۇيىمداستىرۋ شارالارى حالىقارالىق ستاندارتتارعا ساي جۇزەگە اسىرىلعانىن جەتكىزدى.
رەفەرەندۋمدى باقىلاۋ: «ەل داۋىسى» قورى الدىن الا قورىتىندىلارىن جاريالادى