اقش پرەزيدەنتى دونالد ترامپ يران فۋتبول قۇراماسىنىڭ الداعى الەم چەمپيوناتىنا قاتىسۋىن ورىنسىز دەپ باعالادى. بيىل جازدا وتەتىن تۋرنير اقش, كانادا جانە مەكسيكادا ۇيىمداستىرىلادى. الايدا يران قۇراماسىنىڭ جارىسقا قاتىساتىنى نەمەسە قاتىسپايتىنى جونىندە فيفا تاراپىنان رەسمي شەشىم ءالى جاريالانبادى, دەپ حابارلايدى Egemen.kz.
دونالد ترامپ ءوزىنىڭ «Truth Social» الەۋمەتتىك جەلىسىندەگى پاراقشاسىندا پىكىر ءبىلدىرىپ, يران قۇراماسىنىڭ تۋرنيرگە قاتىسۋى قاۋىپسىزدىك تۇرعىسىنان كۇمان تۋعىزاتىنىن ايتتى.
«يراننىڭ فۋتبول قۇراماسى الەم چەمپيوناتىنا قاتىسا الادى. بىراق مەن ولاردىڭ ءومىرى مەن قاۋىپسىزدىگى ءۇشىن بۇل تۋرنيرگە قاتىسۋىن ورىنسىز دەپ سانايمىن», دەپ جازدى اقش پرەزيدەنتى.
بۇعان دەيىن يراننىڭ سپورت ءمينيسترى احماد دونيامالي ەل قۇراماسى الەم چەمپيوناتىنا قاتىسا المايتىنىن مالىمدەگەن ەدى. دەگەنمەن ەلدىڭ جارىستان باس تارتقانى جونىندە فيفا ءالى رەسمي حابارلاما تاراتقان جوق.
ءوز ەلىنىڭ ءانۇرانىن ورىنداماي قويعان يران ايەلدەر قۇراماسى مۇشەلەرىنىڭ تاعدىرى نە بولدى؟
الدىن الا جوسپار بويىنشا يران قۇراماسى G توبىندا بەلگيا, ەگيپەت جانە جاڭا زەلانديا قۇرامالارىمەن ويناۋى ءتيىس ەدى. كوماندانىڭ ماتچتارى اقش اۋماعىندا – لوس-اندجەلەس پەن سيەتل قالالارىندا ءوتۋى جوسپارلانعان.
قازىرگى ۋاقىتتا يران قۇراماسىنىڭ تۋرنيرگە قاتىسۋ-قاتىسپاۋ ماسەلەسى رەسمي تۇردە ناقتىلانباعان. فيفا-نىڭ تۇپكىلىكتى شەشىمى الداعى ۋاقىتتا جاريالانادى دەپ كۇتىلىپ وتىر.
ەڭ قىمبات فۋتبولشى: «بولونيا» كلۋبى ومار مۇرادوۆتى رەكوردتىق سوماعا ساتىپ الدى