بەيرۋت قالاسىنىڭ ورتالىعىنداعى Ramada قوناقۇيى عيماراتىنا يزرايل تاراپىنان جاسالعان سوققى سالدارىنان كەمىندە ءتورت ادام قازا تاپتى, دەپ حابارلايدى Egemen.kz BBC-گە سىلتەمە جاساپ.
يزرايل تاراپى شابۋىلدىڭ نىساناسى ليۆان استاناسىندا ارەكەت ەتكەن يراندىق كومانديرلەر بولعانىن مالىمدەدى.
بۇل سوققى وتكەن اپتادا يزرايل مەن «حەزبوللا» اراسىنداعى قاقتىعىستار قايتا باستالعاننان بەرى بەيرۋتتىڭ ءدال ورتالىعىنا جاسالعان العاشقى شابۋىل بولدى.
ليۆان دەنساۋلىق ساقتاۋ مينيسترلىگىنىڭ مالىمەتىنشە, بەيرۋتتاعى راۋشە اۋدانىندا بولعان سوققىدان تاعى 10 ادام جاراقات العان.
يران نەگە امەريكالىق جانە يزرايلدىك ۇشاقتاردى اتىپ تۇسىرە المايدى؟
يزرايل وپەراتسيانىڭ ماقساتى يسلام رەۆوليۋتسياسى ساقشىلارى كورپۋسىنىڭ ەليتالىق «كۋدس» بولىمشەسىنىڭ نەگىزگى كومانديرلەرى بولعانىن حابارلادى, الايدا ولاردىڭ ەسىمدەرى جاريالانعان جوق.
40 ادام قازا تاپتى: يزرايل يرانداعى مەكتەپكە سوققى جاسادى
باسىلىمنىڭ جازۋىنشا, بۇل قوناقۇيدە ليۆاننىڭ وڭتۇستىگىندەگى جانە بەيرۋتتىڭ وڭتۇستىك ماڭىنداعى سوعىس سالدارىنان ۇيلەرىن تاستاپ كەتكەن ادامدار تۇرعان. ولاردىڭ كەيبىرى جاڭا اۋە سوققىلارىنان قاۋىپتەنىپ عيماراتتان كەتىپ قالعان.