اتىراۋداعى ەرلى-زايىپتىنىڭ ءولىمى: كۇدىكتىنى ۇستاۋ ساتىنەن فوتو-ۆيدەو جاريالاندى

ۆەدومستۆو كۇدىكتىنىڭ قىلمىستىق كودەكستىڭ 99-بابى 2-بولىگى بويىنشا كۇدىككە الىنعانىن جانە ونىمەن بىرگە بۇعان دەيىن حابار-وشارسىز كەتتى دەپ حالىقارالىق ىزدەۋگە جاريالانعان بۇرىنعى جۇبايى دا انىقتالدى.   ەسكە سالايىق, اتىراۋ وبلىسىنداعى جانگەلدين اۋىلىنىڭ تۇرعىندارىن ءولتىرۋ دەرەگى بويىنشا ءىس قوزعالىپ, كۇدىكتىلەرگە  حالىقارالىق ىزدەۋ جاريالانعان بولاتىن. 25 جەلتوقساننان حابار-وشارسىز جوعالىپ كەتكەن ءبىر وتباسىنىڭ ءتورت مۇشەسىنە قاتىستى قىلمىستىق ءىستى تەرگەۋ جۇمىستارى جالعاسىپ, وتباسى مۇشەلەرىنىڭ تەلەفونى سوڭعى رەت شىمكەنتتەن سيگنال بەرگەن. كەيىننەن بالالارىمەن جوعالىپ كەتكەن ەرلى-زايىپتىنىڭ مۇردەسى ءۇيىنىڭ اۋلاسىنداعى سارايدان تابىلعان ەدى.  ال ىزدەۋ جاريالانعان اتىراۋلىق كۇدىكتىنىڭ 5 بالاسى مەملەكەت قاراۋىنا الىندى. ىشكى ىستەر مينيسترلىگى 24 اقپان كۇنى اتىراۋداعى ەرلى-زايىپتىنىڭ ولىمىنە كۇدىكتىلەردىڭ يندونەزيادا ۇستالعانىن حابارلادى.