كريميناليست ماماندىعى كوبىنە كوپشىلىكتىڭ نازارىنان تىس قالادى. الايدا ءدال وسى سالا ساراپشىسىنىڭ ەڭبەگى قىلمىستىق ىستەردى تەرگەۋدىڭ ناتيجەلى اياقتالۋىنا تىكەلەي اسەر ەتەدى. وسىنداي جاۋاپتى جۇمىستىڭ ۇزدىگى رەتىندە قازاقستاننىڭ ىشكى ىستەر سالاسىندا قاراعاندى وبلىسىنىڭ وكىلى ايدا ءجۇسىپوۆا جوعارى باعالاندى. ىشكى ىستەر مينيسترلىگى ۇيىمداستىرعان رەسپۋبليكالىق «ۇزدىك كريميناليست» بايقاۋىندا ول ەكىنشى ورىنعا يە بولدى. بۇل بەدەلدى دودا ەلىمىزدەگى كريميناليستيكالىق قىزمەتتىڭ كاسىبي دەڭگەيىن كورسەتكەن ءىرى سىناق بولدى, دەپ حابارلايدى Egemen.kz.
بايقاۋدىڭ فينالى كاسىبي تۇرعىدان اسا جوعارى تالاپپەن ءوتتى. قاتىسۋشىلار نورماتيۆتىك-قۇقىقتىق بازانى تەرەڭ مەڭگەرۋدىڭ دالەلى رەتىندە ارنايى تەستىلەۋدەن ءوتتى, وقيعا ورنىن زەردەلەۋ ادىستەمەسىن كورسەتتى, سونداي-اق كۇردەلى تاپسىرمالاردى ورىنداي وتىرىپ, بليتس تۋرنيردە ءوز ماقتانىشىن قورعادى. وقيعا ورنىنداعى زاتتاي دالەلدەمەلەردى جيناۋ, تىركەۋ جانە ولارعا دۇرىس باعالاۋ بەرۋ سەكىلدى كۇردەلى مىندەتتەر ساراپشىلار تاراپىنان جوعارى باعالاندى. ايدا ءجۇسىپوۆانىڭ ايتۋىنشا, بايقاۋداعى ەكىنشى ورىن – كاسىبي دەڭگەيگە بەرىلگەن جوعارى باعا عانا ەمەس, ءارى ءتيىمدى ءوسۋدىڭ نەگىزى. ول عىلىم مەن تاجىريبەنى ۇيلەستىرىپ, اناليتيكالىق ويلاۋ مەن ءتارتىپتى ۇشتاستىرۋ ارقىلى كريميناليستيكالىق قىزمەتتىڭ ماڭىزدى قىرلارىن مەڭگەرگەن.
قازاقستاندا ءۇندىستاننىڭ IT-كريميناليستيكا سالاسىنداعى جەتەكشى ۋنيۆەرسيتەتىنىڭ فيليالى اشىلادى
وقۋىن تامامداعاننان كەيىن ايدا ءجۇسىپوۆا قاراعاندى وبلىسى پوليتسيا دەپارتامەنتىنىڭ جەدەل كريميناليستيكالىق بولىمشەلەرىندە قىزمەت ەتىپ كەلەدى. سوڭعى ءتورت جىل ىشىندە ول اۋىر جانە اسا اۋىر قىلمىستار بويىنشا بىرنەشە وقيعا ورنىنا بارىپ, زاتتاي دالەلدەمەلەردى ساراپتاۋ جۇمىستارىن اتقاردى. بۇل – ونىڭ كاسىبي دەڭگەيىنىڭ ناقتى كورىنىسى.
«كريميناليستيكادا ماڭىزى تومەن اينىمالىلار بولمايدى. كەيدە كوزگە كورىنبەيتىن ۇساق بولشەكتىڭ ءوزى قىلمىستى اشۋدىڭ كىلتىنە اينالادى», دەيدى ساراپشى.
كريميناليستيكا باستاۋى