شىمكەنتتە رەسپۋبليكالىق «كوكتەم-2026» كوماندالىق-شتابتىق وقۋ-جاتتىعۋى ءوتىپ, كوكتەمگى سۋ تاسقىنىنىڭ الدىن الۋ, سالدارىن جويۋ, سونداي-اق قۇتقارۋ مەن شۇعىل ارەكەت ەتۋ جۇمىستارى پىسىقتالىپ جاتىر, دەپ حابارلايدى Egemen.kz.
سولتۇستىك وڭىرلەر سۋ تاسقىنىنا قالاي قامدانىپ جاتىر؟
«پراكتيكالىق ءبولىم شەڭبەرىندە قالا اۋماعىندا سۋ باسۋ قاۋپى جوعارى ۋچاسكەلەردە 9 وقۋ-جاتتىعۋ نۇكتەسى بەلگىلەنگەن. اتاپ ايتقاندا, وسى كۇندە اباي اۋدانىندا – 2, ءال-فارابي اۋدانىندا – 1, ەڭبەكشى اۋدانىندا – 3, تۇران اۋدانىندا – 1, قاراتاۋ اۋدانىندا – 2 نۇكتەدە وقۋ-جاتتىعۋلار ءوتىپ جاتىر. سونىمەن قاتار ءبىر نىساندا «قتج» ۇك» اق تەمىرجول پلاتفورمالارى ارقىلى ينجەنەرلىك جانە وزگە دە تەحنيكالاردى تيەۋ-ءتۇسىرۋ جۇمىستارى قولعا الىنادى» دەدى ول.
وڭىرلەردە سۋ تاسقىنىنا قارسى دايىندىق كۇشەيتىلدى
بۇدان بولەك, شۇعىل دەن قويۋ جاساقتارىن جيناۋ, زارداپ شەككەن تۇرعىنداردى ەۆاكۋاتسيالاۋ جانە قابىلداۋ پۋنكتتەرىن ورىستەتۋ, سونداي-اق ازاماتتىق قورعاۋ ورگاندارى مەن جەرگىلىكتى اتقارۋشى ورگانداردىڭ كۇشتەرى مەن قۇرالدارىن تۇركىستان وبلىسىنا جەدەل جىبەرۋ تاجىريبەسى سىناقتان وتكىزىلەدى. بۇل رەتتە جەكە قۇرامنىڭ تۇركىستان وبلىسى اۋماعىندا اۆتونومدى جاعدايدا ارەكەت ەتۋگە تولىق دايىن بولۋى ماڭىزدى دەيدى مامان.
ايتا كەتەيىك, «كوكتەم-2026» كوماندالىق-شتابتىق وقۋ-جاتتىعۋى 25-27 اقپان كۇندەرى رەسپۋبليكا كولەمىندە وتەتىن بولادى.