قاتتى بوران سالدارىنان وڭىردەگى قوزعالىس توقتاپ, رەسپۋبليكالىق جانە وبلىستىق ماڭىزى بار تاسجولداردا قوزعالىس شەكتەلدى. ەڭ كۇردەلى جاعداي قاراعاندى – استانا باعىتىندا قالىپتاستى, دەپ حابارلايدى Egemen.kz.
22 اقپاننان باستاپ قاراعاندى وبلىسىندا اۋا رايى كۇرت ناشارلاپ, قاتتى بوران سوعىپ, كورىنۋ دەڭگەيى نولگە جۋىقتاعان. قاۋىپسىزدىك ماقساتىندا رەسپۋبليكالىق جانە وبلىستىق ماڭىزى بار بارلىق اۆتوجولدار ۋاقىتشا جابىلدى.
شەكتەۋلەرگە بايلانىستى جولداردا شامامەن 500 جەڭىل كولىك, 350-گە جۋىق جۇك كولىگى جانە 20-عا دەيىن اۆتوبۋس جينالىپ قالدى. جالپى العاندا, جولدا شامامەن 2000 ادام بولعان. ەڭ اۋىر جاعداي قاراعاندى – استانا تاس جولىندا تىركەلدى, مۇندا شامامەن 700 كولىك قالىپ قويعان.
23 اقپان كۇنى ساعات 14:00-دەن باستاپ پاترۋلدىك پوليتسيا باتالونىنىڭ قىزمەتكەرلەرى كولىكتەردى سۇيەمەلدەۋگە كىرىستى. اۋا رايى جاقسارعان سايىن تەمىرتاۋ – استانا باعىتىنداعى قوزعالىس پوليتسيا باقىلاۋىمەن قايتا جانداندى.
بىرقاتار وبلىستا اۋا رايىنا بايلانىستى ەسكەرتۋ جاريالاندى
پوليتسيا دەپارتامەنتى قولايسىز اۋا رايى جاعدايىندا كەز كەلگەن ويلانباي جاسالعان ساپار – ادامداردىڭ ءومىرى مەن دەنساۋلىعىنا قاۋىپ ءتوندىرۋى مۇمكىن ەكەنىن ەسكەرتتى.
شەت اۋدانىندا جول قوزعالىسى شەكتەلىپ, 45 ادام ەۆاكۋاتسيالاندى