مەملەكەت باسشىسىنىڭ ەلىمىزدىڭ كولىك-ترانزيتتىك الەۋەتىن دامىتۋ جونىندەگى تاپسىرمالارىن ورىنداۋ شەڭبەرىندە نەگىزگى ينفراقۇرىلىمدىق توراپتاردى جۇيەلى جاڭعىرتۋ جۇمىستارى جالعاسىپ جاتىر, دەپ حابارلايدى Egemen.kz.
التىنكول ستانتسياسى مەن قورعاس شەكارالىق وتكەلى بىرىڭعاي تەمىرجول-شەكارالىق كەشەندى قۇرايدى جانە حالىقارالىق كولىك ءدالىزىنىڭ ماڭىزدى بۋىنى. اتالعان توراپ ەلدىڭ ترانزيتتىك الەۋەتىن ارتتىرۋ تۇرعىسىندا ەرەكشە ءرول اتقارادى.
«التىنكول – قورعاس تورابى ارقىلى ەكسپورت-يمپورت جانە ترانزيتتىك جۇك تاسىمالىنىڭ ەداۋىر كولەمى جۇزەگە اسىرىلادى. ينفراقۇرىلىم جۇكتەردى جەدەل وڭدەۋدى, كونتەينەرلەردى قايتا تيەۋدى جانە ەكى مەملەكەتتىڭ تەمىرجول قىزمەتتەرىنىڭ ۇيلەسىمدى جۇمىسىن قامتاماسىز ەتەدى.
قازىرگى ۋاقىتتا اۋقىمدى جاڭعىرتۋ باعدارلاماسى ىسكە اسىرىلىپ جاتىر. التىنكول – جەتىگەن ۋچاسكەسىندە جالپى ۇزىندىعى 32 شاقىرىمدى قۇرايتىن ەكى ارالىقتا ەكىنشى جولداردىڭ قۇرىلىسى جالعاستى, سونداي-اق 5 جاڭا جانە 8 قولدانىستاعى ايىرىقتى دامىتۋ جۇمىستارى جۇرگىزىلىپ جاتىر. بۇل جەلىنىڭ وتكىزۋ قابىلەتىن تاۋلىگىنە 18 جۇپ پويىزدان 33 جۇپ پويىزعا دەيىن ارتتىرۋعا مۇمكىندىك بەرەدى», دەلىنگەن كولىك مينيسترلىگىنىڭ حابارلاماسىندا.
قازاقستان مەن وزبەكستان تەمىرجول تاسىمالىنىڭ الەۋەتىن ارتتىرادى
تەمىرجول جانە سۋ كولىگى كوميتەتىنىڭ توراعاسى نۇرجان امانگەلدين ۇلى كەلبۇعانوۆ جۇمىس ساپارى شەڭبەرىندە ستانتسياداعى جوبالاردىڭ ىسكە اسىرىلۋ بارىسىمەن تانىستى.
پرەزيدەنت: توزىعى جەتكەن تەمىرجول ينفراقۇرىلىمى ءالى دە كوپ
جوبالاردى اياقتاۋ 2026 جىلعا جوسپارلانعان. ولاردى ىسكە اسىرۋ قازاقستاننىڭ ەۋروپا مەن ازيا اراسىنداعى ترانزيتتىك كوپىر رەتىندەگى ستراتەگيالىق ءرولىن كۇشەيتىپ, ۇلتتىق كولىك-لوگيستيكا جۇيەسىنىڭ تيىمدىلىگىن ارتتىرادى.
ءۇندى مۇحيتىنا جول: قازاقستان اۋعانستان ارقىلى تەمىرجول سالماق