تاريحي ءساتتى سيپاتتايتىن كەزدەسۋ سۋرەتىمەن الدىمەن World Boxing جانە ۇلتتىق وليمپيادا كوميتەتىنىڭ پرەزيدەنتى گەننادي گولوۆكين ءبولىستى, دەپ حابارلايدى Egemen.kz.
ء«بىزدىڭ زاماننىڭ اڭىز ادامى - دجەكي چانمەن كەزدەسۋ», دەپ جازدى گولوۆكين Instagram-داعى پاراقشاسىندا جاريالاعان سۋرەت سيپاتتاماسىندا.
وسىدان كەيىن ميلانداعى گالا-شوۋدا دجەكي چان مانەرلەپ سىرعاناۋدان وليمپيادا چەمپيونى ميحايل شايدوروۆتى قۇتتىقتادى. ول پاندانىڭ كيىمىمەن ونەر كورسەتكەن 21 جاستاعى قازاقستاندىقتى جانكۇيەرلەر تريبۋناسىندا اسىعا كۇتىپ تۇردى. جەكپە-جەك شەبەرىنىڭ قولىندا ەكى پاندا-جۇمساق ويىنشىعى بولدى.
ء«ميحايلدىڭ گالا-شوۋدا كورسەتكەن ونەرى وتە حاريزماتيكالىق سيپاتقا يە بولدى», دەپ اتاپ ءوتتى شوۋ كورەرمەندەرى.
اتى اڭىزعا اينالعان اكتەردىڭ گالا-شوۋدا توبە كورسەتۋى شايدوروۆ ءۇشىن عانا ەمەس, بۇكىل ستاديون ءۇشىن توسىن سىي بولدى.