اباي وبلىسى, كوكپەكتى اۋدانىنا قاراستى «شۋاقتى شۇعىلا» بالاباقشاسىنىڭ «تولاعاي ارحەولوگتارى» كومانداسى تاريحي جەتىستىككە قول جەتكىزدى, دەپ جازادى Egemen.kz.
21-23 قاڭتار كۇندەرى وتكەن ايماقتىق ىرىكتەۋ كەزەڭىندە توپ جارىپ, ورتا ازيا چەمپيوناتىنا جولداما العان بۇلدىرشىندەر بۇل جولى دا ءۇمىتتى اقتادى. 4-6 جاس ارالىعىنداعى بالالار اراسىندا ۇيىمداستىرىلعان «Discover» باعىتى بويىنشا روبوتوتەحنيكا سايىسىندا ولار ناعىز سەنساتسيا جاسادى دەۋگە بولادى. بايقاۋدىڭ اۋقىمى كەڭ. ماسەلەن, 13 ەلدەن 5 مىڭنان استام كوماندا قاتىسىپ, سولاردىڭ ىشىنەن ۇزدىك دەپ تانىلعان 20 كوماندا فينالدىق كەزەڭدە باق سىناسقان. وسىنداي تارتىستى دودادا كوكپەكتىنىڭ كىشكەنتاي ورەندەرى جوبالارىن قازاق جانە اعىلشىن تىلدەرىندە ەركىن قورعاپ, جوعارى دايىندىقتارىن كورسەتتى. ناتيجەسىندە كوماندا «Presentation of the Day Award» – «كۇننىڭ ەڭ ۇزدىك تانىستىرىلىمى» اتالىمىن جەڭىپ الىپ, باس جۇلدەنى يەلەندى. بۇل تەك بالاباقشا ۇجىمى ءۇشىن عانا ەمەس, بۇكىل اۋدان ءۇشىن زور ماقتانىش دەيدى جەتەكشىلەرى.
ورالدا 79 بالاباقشا مەن 36 مەكتەپ سالىنادى
جەڭىمپاز بۇلدىرشىندەردى اتاپ ايتساق, ولار بەكزات ورىنبەكوۆ, ياسمينا ورىنبەكوۆا, نۇراسىل قاليەۆ, كاۋسار امانگەلدى, بەكاسىل سايلاۋعازى. ال كوماندا جەتەكشىلەرى – باقىتبەك ورىنباەۆ, ايسۇلۋ ەسىمحانوۆا, گۇلجانات قاليەۆا, ولجاس ساقتاعان, نازىم كەلەربەكوۆا, گ ۇلىم تالعاتقىزى.
پەتروپاۆلدا قازاق بالاباقشاسى اشىلدى
اۋىل بالالارىنىڭ حالىقارالىق دەڭگەيدە باق سىناۋىنا مۇمكىندىك جاساپ, ۇلكەن ساپاردى ۇيىمداستىرعان بالاباقشا مەڭگەرۋشىسى اينۇر التايقىزىنىڭ ەڭبەگى زور ەكەنىن ايتا كەتكەن ءجون. سونىمەن قاتار, تالانتتى بۇلدىرشىندەردىڭ اتا-انالارىنا وسى ساپارعا دەمەۋشىلىك جاساپ, قولداۋ كورسەتكەن كوكپەكتى اۋدانىنىڭ جەكە كاسىپكەرى ارنۇر ماۋىتحانوۆقا العىستارىن ءبىلدىردى.
«بۇل اباي وبلىسىنىڭ, اسىرەسە كوكپەكتى اۋدانىنىڭ ءبىلىم سالاسىنداعى ايتۋلى جەتىستىگى. كىشكەنتاي قادامنان باستالعان ۇلكەن جەڭىس – بولاشاقتىڭ جارقىن كەپىلى», دەيدى اينۇر التايقىزى.
بالاباقشالاردا كەزەك 2 ەسە ازايدى