قوستاناي وبلىسىنداعى «ايات» شەكارا بەكەتىندە رەسەيگە ءتۇستى مەتال سىنىقتارىن الىپ وتپەك بولعان «Renault» ماركالى جۇك كولىگى ۇستالدى. جۇرگىزۋشىنىڭ جول قۇجاتىندا كولىكتىڭ جۇكسىز, بوس كەتىپ بارا جاتقانى كورسەتىلگەن, دەپ حابارلايدى Egemen.kz.
الايدا ترانسپورت قۇرالى مەن جۇكتى قاداعالايتىن شەكارا جاساعى مەن وبلىستىق مەملەكەتتىك كىرىستەر دەپارتامەنتىنىڭ قىزمەتكەرلەرى جۇرگىزگەن تەكسەرۋ بارىسىندا اۆتوكولىكتىڭ تىركەمە تسيستەرناسىنا شامامەن 4 تونناعا جۋىق ءتۇستى مەتالل قالدىقتارى مەن لاتۋن رادياتورلارى جاسىرىلعانى انىقتالدى.
الماتىدا 620 ملن تەڭگەدەن استام شىعىن كەلتىرگەن زاڭسىز ينۆەستيتسيالىق جوبا اشكەرەلەندى
«الدىن الا باعالاۋ بويىنشا, جۇكتىڭ قۇنى شامامەن 15 ميلليون تەڭگەنى قۇرايدى. كۇدىكتىلەر تسيستەرنانىڭ الدىڭعى بولىگىنە قوسىمشا قاقپاق دانەكەرلەپ, ونىڭ ارتىنا زاڭسىز تاۋاردى جاسىرعان. قازىر تاركىلەنگەن جۇك ساراپتاماعا جىبەرىلدى. بارلىق پروتسەسسۋالدىق راسىمدەر اياقتالعاننان كەيىن ماتەريالدار سوتقا جولدانادى», دەلىنگەن حابارلامادا.
ونەركاسىپ جانە قۇرىلىس مينيسترلىگىنىڭ 2025 جىلعى بۇيرىعىنا سايكەس, ەلىمىزدە قارا جانە ءتۇستى مەتالدىڭ سىنىقتارى مەن قالدىقتارىن بارلىق كولىك تۇرلەرىمەن اكەتۋگە تىيىم سالىنعان.
تۇركىستان وڭىرىندە زاڭسىز التىن وندىرگەن 12 كۇدىكتى ۇستالدى
قوستاناي وبلىسى