مادەنيەت جانە اقپارات مينيسترلىگى جانىنداعى «جاستار» عىلىمي زەرتتەۋ ورتالىعى «تۇران-استانا» ۋنيۆەرسيتەتىمەن بىرلەسىپ, جاڭا كونستيتۋتسيا جوباسى مەن جالپىۇلتتىق رەفەرەندۋم جونىندە «Jastar X» ديالوگ الاڭىندا ستۋدەنت جاستارمەن كەزدەسۋ وتكىزدى.
كەزدەسۋ بارىسىندا «تۇران-استانا» ۋنيۆەرسيتەتىنىڭ رەكتورى, ەكونوميكا عىلىمدارىنىڭ كانديداتى, پروفەسسور گۇلجامال جاپاروۆا, «Qazcontent» اق باسقارما توراعاسى اينا زادابەك, «جاسىل ەل» جاستار ەڭبەك جاساقتارىنىڭ رەسپۋبليكالىق شتابىنىڭ باسشىسى نۇراسىل بەكماتوۆ ءسوز سويلەدى. سپيكەرلەر جاڭا كونستيتۋتسيانىڭ جوباسى تۋرالى ەگجەي-تەگجەي ايتىپ, جالپىۇلتتىق رەفەرەندۋم ازاماتتاردىڭ, اسىرەسە جاستاردىڭ قۇقىقتىق مادەنيەتىن دامىتۋداعى ماڭىزدى قادام ەكەنىن اتاپ ءوتتى.
«جاستار» عىلىمي زەرتتەۋ ورتالىعىنىڭ ديرەكتورى, ديالوگ الاڭىنىڭ مودەراتورى گ ۇلىسحان ناحباەۆا ورتالىقتىڭ عىلىمي زەرتتەۋ قىزمەتى جانە تسيفرلىق رەسۋرستار تۋرالى اقپارات ۇسىندى, سونداي-اق «Jastar AI» ۆيرتۋالدى كەڭەسشىسىنىڭ جوباسىن تانىستىردى.
ورتالىق ديرەكتورى اتاپ وتكەندەي, جوبانىڭ نەگىزگى ماقساتى – جاستاردى قولداۋ باعدارلامالارىن قوسا العاندا, مەملەكەتتىك جاستار ساياساتى تۋرالى اقپاراتتىڭ قولجەتىمدىلىگى مەن ساپاسىن قامتاماسىز ەتۋ. چات-بوتتى قوسا العاندا, جاساندى ينتەللەكت بازاسىنداعى ۆيرتۋالدى كونسۋلتانت قازاق, ورىس جانە اعىلشىن تىلدەرىندە كونسۋلتاتسيالار بەرەدى.
كەزدەسۋ سوڭىندا ساراپشىلار ستۋدەنتتەردىڭ قويعان سۇراقتارىنا جاۋاپ بەرە وتىرىپ, كونستيتۋتسيالىق رەفورمانى ءارى قاراي تالقىلاۋدىڭ ماڭىزدىلىعىن, ولاردىڭ ەل دامۋىنا ىقپالى مەن بۇگىنگى جاستارمەن وتكەن كەزدەسۋدىڭ كوڭىلدەن شىققانىن جەتكىزدى.
ءىس-شارا قورىتىندىسىندا «جاستار» عىلىمي زەرتتەۋ ورتالىعى مەن «تۇران-استانا» ۋنيۆەرسيتەتى عىلىمي ىنتىماقتاستىق تۋرالى مەموراندۋمعا قول قويدى.