ءماجىلىس توراعاسى ەرلان قوشانوۆ باستاعان «ادىلەتتى جانە پروگرەسسيۆتى قازاقستاننىڭ حالىقتىق كونستيتۋتسياسى ءۇشىن!» جالپىۇلتتىق كواليتسياسىنىڭ مۇشەلەرى جامبىل وڭىرىنە كەلدى, دەپ جازادى Egemen.kz.
وبلىس ورتالىعىنداعى «كونە تاراز» تاريحي-مادەني كەشەنىندە ءوڭىر جۇرتشىلىعىمەن كەزدەسۋ ءوتتى. ءىس-شاراعا ءماسليحات دەپۋتاتتارى, ارداگەرلەر, شىعارماشىلىق زيالى قاۋىم وكىلدەرى, ۇكىمەتتىك ەمەس ۇيىمدار مەن ەتنومادەني بىرلەستىكتەردىڭ مۇشەلەرى, وڭىردەگى كاسىپورىنداردىڭ, سونداي-اق مەديتسينا جانە ءبىلىم بەرۋ سالالارىنىڭ قىزمەتكەرلەرى قاتىستى. جيىندا جالپى سانى 500-گە جۋىق ادام باس قوستى.
رەفەرەندۋمعا ارنالعان رەسمي سايت ىسكە قوسىلدى
كەزدەسۋ قورىتىندىسىندا جامبىل وبلىسىنىڭ جۇرتشىلىعى جاڭا كونستيتۋتسيا قوعام سۇرانىسىنا تولىق جاۋاپ بەرەدى جانە تاۋەلسىز قازاقستاننىڭ ورنىقتى دامۋىن قامتاماسىز ەتەدى دەپ مالىمدەدى.
استانادا رەفەرەندۋمدى قولداۋعا باعىتتالعان جاستار كونتسەرتىنە 10 مىڭنان استام ادام قاتىستى
سوندىقتان ولار جاڭا كونستيتۋتسيانى تولىق قولدايتىندارىن جەتكىزدى. ءوڭىر تۇرعىندارى 15 ناۋرىز كۇنى سايلاۋ ۋچاسكەلەرىنە كەلىپ, جاڭا كونستيتۋتسيا قابىلداۋ, ياعني قۋاتتى, ادىلەتتى جانە پروگرەسسيۆتى قازاقستاندى قۇرۋ جولىندا ءوز تاڭداۋىن جاساۋعا بەكىنىپ وتىر.
شىمكەنتتە كونستيتۋتسيالىق رەفەرەندۋمدى قولداۋ كواليتسياسى ىسكە كىرىستى