الەمدەگى ەڭ قىمبات اۋكتسيوندىق كىتاپ رەكوردى «Bay Psalm Book»-قا تيەسىلى. بۇل – زابۋرگە قاتىستى ءدىني كىتاپ. مۇنى يسلامدا ءداۋىت پايعامبارمەن بايلانىستىرادى.
بۇل كىتاپ 2013 جىلعى 26 قاراشادا نيۋ-يوركتەگى «Sotheby’s» اۋكتسيونىندا 14 165 000 دوللارعا ساتىلىپ, باسپا كىتاپتارى ىشىندە اۋكتسيونداعى ەڭ جوعارى باعانى كورسەتتى. باعاسىنىڭ شارىقتاۋ سەبەبى دە بار. اتالعان كىتاپ 1640 جىلى قازىرگى اقش اۋماعىندا باسىلعان العاشقى كىتاپ سانالادى. باستاپقىدا 1700 دانا عانا شىققان, ال بۇگىنگە 11 داناعا جۋىق كوشىرمەسى جەتكەن.