وليمپيادا سايىسىندا ءبىر رەت باق سىناۋدىڭ ءوزى ۇلكەن جەتىستىك. ال جاپونيالىق ءترامپلينشى نورياكي كاساي 1992–2018 جىلدار ارالىعىندا قىسقى وليمپياداعا 8 رەت قاتىسقان.
قاتىسىپ قانا قويعان جوق. ول 1994 جىلى ليللەحاممەردە كوماندالىق جارىستا كۇمىس مەدال الدى. قايتپايتىن كاساي 2014 جىلى سوچيدە دە كۇمىسكە قول جەتكىزىپ, جانكۇيەرىن قايران قالدىردى. ويتكەنى ول كەزدە ونىڭ جاسى 41-دە ەدى. وليمپيادادا مۇنداي جاسقا كەلىپ مەدال الۋ وتە سيرەك كەزدەسەدى. سەبەبى ترامپليندە جىلدامدىق, سەكىرۋ دالدىگى, اۋاداعى تەپە-تەڭدىك – ءبارى ءمىنسىز بولۋى كەرەك. بىراق كاساي ۋاقىتقا دەس بەرمەي, جاسى ۇلعايسا دا بابىنا كەلىپ وتىرعان.