جامبىل وبلىسىندا پوليتسيا قىزمەتكەرلەرى كامەلەت جاسىنا تولماعان بالالارعا شۇعىل كومەك كورسەتتى, دەپ حابارلايدى Egemen.kz.
وبلىستىق پوليتسيا دەپارتامەنتى ءباسپاسوز قىزمەتى كەلتىرگەن دەرەككە سەنسەك, قوعامدىق كولىكپەن قاتىنايتىن ەكى وقۋشىنىڭ ءبىرى اۆتوبۋستا تەلەفونىن ۇمىتىپ كەتكەن. نە ىستەرىن بىلمەي دال بولعان بالالار جاقىن جەردە جۇرگەن پاترۋلدىك پوليتسيا قىزمەتكەرلەرىنە جۇگىنىپ, كومەك سۇراعان.
پوليتسيا قىزمەتكەرلەرى جاعدايدى بىردەن نازارعا الىپ, جەدەل باسقارۋ ورتالىعىنا حابارلاسىپ, قالاداعى بەينەباقىلاۋ كامەرالارى ارقىلى اۆتوبۋستىڭ باعىتىن انىقتايدى. جەدەل ءارى ۇيلەسىمدى ارەكەتتىڭ ارقاسىندا اۆتوبۋس دەر كەزىندە توقتاتىلىپ, جوعالعان ۇيالى تەلەفون تابىلعان.
پوليتسيا دەرەگى: الاياقتاردىڭ ارباۋىنا كوبىندە كىمدەر ىلىنەدى؟
قاۋىپسىزدىك تالاپتارىن نازارعا العان پوليتسيا قىزمەتكەرلەرى بالانىڭ اجەسىن شاقىرىپ, ۇيالى تەلەفوندى زاڭدى يەسىنە تابىستاعان. ءوز كەزەگىندە وقۋشىنىڭ اجەسى پوليتسيا قىزمەتكەرلەرىنە العىسىن جاۋدىردى.
اقتاۋدا پوليتسەيلەر سۋعا باتىپ بارا جاتقان ءجاسوسپىرىمدى قۇتقاردى