پرەزيدەنت اكىمشىلىگى باسشىسىنىڭ ورىنباسارى ەربولات دوساەۆ «بايتەرەك» ۇلتتىق ينۆەستيتسيالىق حولدينگى» اق ديرەكتورلار كەڭەسىنىڭ قۇرامىنا كىردى, دەپ حابارلايدى Egemen.kz.
قازاقستان قور بيرجاسىندا (KASE) 13 قاڭتاردا جاريالانعان قۇجاتقا سايكەس, حولدينگتىڭ ديرەكتورلار كەڭەسىنىڭ جاڭا قۇرامى 26 جەلتوقساندا بەكىتىلگەن.
ديرەكتورلار كەڭەسىنە پرەمەر-مينيستر ولجاس بەكتەنوۆ توراعالىق ەتەدى. كەڭەس قۇرامىنا سونداي-اق ءبىرىنشى ۆيتسە-پرەمەر رومان سكليار, ەكونوميكا ءمينيسترى سەرىك جۇمانعارين, ەربولات دوساەۆ, قارجى ءمينيسترى ءمادي تاكيەۆ جانە ونەركاسىپ پەن قۇرىلىس ءمينيسترى ەرسايىن ناعاسپاەۆ كىردى. ال باسقارما توراعاسى قىزمەتىندە رۋستام قاراگويشىن قالدى.
ايتا كەتەيىك, بۇعان دەيىن «بايتەرەك» ۇلتتىق باسقارۋشى حولدينگى «ۇلتتىق ينۆەستيتسيالىق حولدينگ» مارتەبەسىن الىپ, اتاۋى وزگەرتىلدى.
ەربولات دوساەۆ 2016-2017 جىلدارى «بايتەرەك» حولدينگىنىڭ باسقارما توراعاسى قىزمەتىن اتقارعان.
سونىمەن قاتار, 2025 جىلدىڭ جەلتوقسان ايىنىڭ سوڭىندا ەربولات دوساەۆ «سامۇرىق-قازىنا» اق ديرەكتورلار كەڭەسىنىڭ مۇشەسى بولىپ تاعايىندالعان.
ەسكە سالساق, 2025 جىلعى 24 مامىردا مەملەكەت باسشىسى ءوز جارلىعىمەن ەربولات دوساەۆتى 2022 جىلدىڭ قاڭتارىنان بەرى اتقارىپ كەلگەن الماتى قالاسىنىڭ اكىمى قىزمەتىنەن بوساتقان بولاتىن.
ال قىركۇيەك ايىندا پرەزيدەنت جارلىعىمەن ەربولات دوساەۆ قازاقستان رەسپۋبليكاسى پرەزيدەنتى اكىمشىلىگى باسشىسىنىڭ ورىنباسارى قىزمەتىنە تاعايىندالدى.