استانالىق تۇرعىندار اراسىندا توعىزقۇمالاقتان جەكەلەي قالالىق تۋرنير ءوتتى. زياتكەرلىك ويىن تاۋەلسىزدىك كۇنىنە وراي «زاڭ مەن ءتارتىپ» قاعيداتى اياسىندا ۇيىمداستىرىلعان. جارىستا 100-دەن اسا توعىزقۇمالاقشى باق سىناستى.
زاڭ مەن ءتارتىپتى كەڭىنەن ناسيحاتتاۋدى كوزدەگەن سپورتتىق ءىس-شاراعا جەرگىلىكتى ارداگەرلەر مەن جاستار جانە جاسوسپىرىمدەر قاتىستى. ءتۋرنيردى استانا قالاسى دەنە شىنىقتىرۋ جانە سپورت باسقارماسى قالالىق توعىزقۇمالاق سپورتى زياتكەرلىك فەدەراتسياسىمەن بىرلەسە ۇيىمداستىرعان.
جارىس قورىتىندىسىندا ەر ارداگەرلەردەن ءبىرىنشى ورىن – م.اياپبەكوۆكە, ەكىنشى ورىن – م.ۋاجانوۆقا, ءۇشىنشى ورىن – م.كاريموۆكە, ءتورتىنشى ورىن ا.چۋريمباەۆقا بۇيىردى. ايەل ارداگەرلەر اراسىندا ءبىرىنشى ورىندى – ا.وماروۆا, ەكىنشى ورىندى – ك.احمەتوۆا, ءۇشىنشى ورىندى – ءا.جۇباتقانوۆا, ءتورتىنشى ورىندى ن.ورازباەۆا جەڭىپ الدى.
9 جاسقا دەيىنگى ءجاسوسپىرىم-دەر اراسىندا العاشقى ءتورت ورىنعا ق.ەرنات ۇلى, س.حاجيباەۆ, ا.راحيمجانوۆا, س.بالتاشەۆ لايىقتى دەپ تانىلدى. 13 جاسقا دەيىنگىلەر اراسىندا ي.مەيرامحان, س.سادىقوۆ, ا.شامشيەۆا ۇزدىكتەر قاتارىنان كورىندى. ال جاستار مەن ەرەسەكتەر اراسىندا ۇلداردان ا.يساتاي, ب.نۇرجان, ءا.ماحمۇتجان, ءا.تاڭقاەۆ, قىزداردان ج.شامشيەۆا, م.سادىقوۆا, ب.قايىربەك جەڭىمپاز اتاندى.
بارلىق جۇلدەگەرگە ارنايى ديپلومدار مەن باعالى سىيلىقتار تابىستالدى.