جاسوسپىرىمدەر اراسىندا V ازيا پارا ويىندارى دۋباي ء(باا) قالاسىندا وسى ايدىڭ 10-13 كۇندەرى وتتى. جارىسقا 45 ەلدەن 1300-دەن استام سپورتشى قاتىسىپ, 11 سپورت ءتۇرى بويىنشا 481 مەدال جيىنتىعى ساراپقا سالىندى, دەپ جازادى Egemen.kz.
قورجىن قاي سپورت تۇرلەرىمەن تولىقتى؟
قازاقستاننان 9 سپورت ءتۇرى بويىنشا 60 سپورتشى قاتىستى. قۇراما 25 التىن, 23 كۇمىس, 20 قولا, بارلىعى 68 مەدال جەڭىپ الدى. جالپى مەدالدىق ەسەپ بويىنشا ەل كومانداسى 5-ءشى ورىنعا تۇراقتادى.
پارا جۇزۋدەن 34 مەدال, پارا قول كۇرەسىنەن 11 مەدال, پارا ۇستەل تەننيسىنەن 7 مەدال, پارا جەڭىل اتلەتيكادان 6 مەدال جانە پارا پاۋەرليفتينگتەن 6 مەدال جەڭىپ الىندى.
گولبولدان ۇلتتىق قۇراما 1 التىنعا, بوچچادان 1 كۇمىسكە, ال پارا تاەكۆوندودان 1 كۇمىس پەن 1 قولا مەدالعا قول جەتكىزدى.
بىرلەسكەن ەڭبەكتىڭ جەمىسى
دەنە مۇمكىندىكتەرى شەكتەۋلى تۇلعالارعا ارنالعان سپورتتىق دايارلاۋ ورتالىعىنىڭ سپورت باسقارماسىنىڭ باسشىسى قايرات سەيتبەكوۆتىڭ ايتۋىنشا, اتالعان جارىستا ەل سپورتشىلارى جاقسى ناتيجە كورسەتتى.
«بۇل جەتىستىك – مەملەكەتتىك قولداۋدىڭ, باپكەرلەر مەن مەديتسينالىق پەرسونالدىڭ, سونداي-اق اتا-انالاردىڭ بىرلەسكەن ەڭبەگىنىڭ جەمىسى. سونىمەن قاتار, بۇل ويىندار جاس سپورتشىلار ءۇشىن حالىقارالىق ارەنادا تاجىريبە جيناۋعا, حالىقارالىق كلاسسيفيكاتسيادان وتۋگە جانە ءوز ناتيجەلەرىن ودان ءارى جاقسارتۋعا مۇمكىندىك بەرەتىن ماڭىزدى جارىس بولدى», دەدى ق.سەيتبەكوۆ.