وبلىستىق ىشكى ساياسات باسقارماسىنىڭ مالىمەتىنە سۇيەنسەك, ايماقتا 892 ۇكىمەتتىك ەمەس ۇيىم بار. دەموكراتيالىق قوعامدى العا جىلجىتۋعا اتسالىتاتىن مۇنداي ۇيىمنىڭ باسىم بولىگى اتىراۋ قالاسىندا جۇمىس ىستەيدى. قازىر مۇنايلى شاھاردا 741 ۇيىم ءتۇرلى جوبانى ىسكە اسىرىپ جاتىر, دەپ جازادى Egemen.kz.
بۇدان كەيىنگى ورىندا جىلىوي اۋدانى تۇر. مۇندا 54 ۇكىمەتتىك ەمەس ۇيىم تىركەلىپتى. ال, قىزىلقوعا مەن يساتاي اۋدانىندا 19, ماحامبەتتە – 17, يندەردە – 16, ماقاتتا – 15, قۇرمانعازى اۋدانىندا 11 ۇيىم بار.
بۇل وڭىردە كوممەرتسيالىق ەمەس ۇيىمداردىڭ تىركەلگەنىن ايتۋ كەتۋ قاجەت. ونىڭ ىشىندە 407 قوعامدىق بىرلەستىك, 284 قوعامدىق قور, 18 زاڭدى تۇلعالار بىرلەستىگى, 7 ساياسي پارتيا, 10 ءدىني بىرلەستىك, 1 كاسىپوداق بىرلەستىگى بەلسەندىلىگىمەن تانىلىپ ءجۇر.
بيىل اتىراۋدان ەكى ۇيىم «تاڭداۋ» رەسپۋبليكالىق سىيلىعىنىڭ جەڭىمپازى اتاندى. ونىڭ ءبىرى – دۋلات شىمانوۆ قۇرعان «ۆ-elsendi» قوعامدىق قورى. بۇل قورعا ازاماتتىق قوعام ينستيتۋتتارىن نىعايتۋعا قوسقان ۇلەسى ءۇشىن «جاستار باستامالارى مەن بەلسەندىلىگى» نوميناتسياسى بەرىلدى.
ال الدان اسقار جەتەكشىلىك ەتەتىن «قازروبوتيكس» رەسپۋبليكالىق قوعامدىق بىرلەستىگىنىڭ وبلىستىق فيليالى «تەحنولوگيالىق يننوۆاتسيالار جانە تسيفرلىق قوعام» نوميناتسياسىن يەلەندى.