وڭىرلەر ىقتيمال سۋ تاسقىنىنا دايىن با؟

اباي وبلىسىندا توتەنشە جاعدايلار كوميتەتىنىڭ باس مامانى بەكسۇلتان-الي راحىمباەۆ ينجەنەرلىك شارالار جوسپارىن ىسكە اسىرۋ بارىسىمەن تانىسىپ, جاڭا قورعانىش قۇرىلىستارىنىڭ جاي-كۇيىن تەكسەرىپ, گيدروتەحنيكالىق وبەكتىلەردىڭ جۇمىسىن باقىلادى. جۇمىس قورىتىندىسى بويىنشا جەرگىلىكتى اتقارۋشى ورگاندارعا الدىن الۋ شارالارىن كۇشەيتۋ جانە كوكتەمگى كەزەڭدە حالىقتىڭ قاۋىپسىزدىگىن قامتاماسىز ەتۋ ءۇشىن قوسىمشا شارالار قابىلداۋ ۇسىنىلدى.

ازاماتتىق قورعانىس جانە اسكەري بولىمدەر كوميتەتى توراعاسىنىڭ ورىنباسارى الەكسەي سوۆەتوۆ اقتوبە وبلىسىنىڭ كوكتەمگى سۋ تاسقىنىنا دايىندىق جاعدايىنا مونيتورينگ جۇرگىزدى. جۇمىس ساپارى بارىسىندا ول ينجەنەرلىك قورعاۋ شارالارىنىڭ ورىندالۋىن, سۋ وتكىزۋ جۇيەلەرى مەن قورعانىش قۇرىلىستارىنىڭ جاعدايىن باعالادى. جەرگىلىكتى اتقارۋشى ورگاندار مەن تج بولىمشەلەرىنە الدىن الۋ شارالارىن كۇشەيتۋ, دايىندىق دەڭگەيىن ارتتىرۋ جانە قىزمەتتەر اراسىنداعى ۇيلەستىرۋدى جاقسارتۋ بويىنشا ۇسىنىستار بەرىلدى.

سۋ تاسقىنىن بولدىرماۋ ماقساتىندا جامبىل وبلىسى تجد قىزمەتكەرلەرى تالاس وزەنىنىڭ ارناسىن جانە ينجەنەرلىك جوسپارعا ەنگىزىلگەن وبەكتىلەردى تەكسەردى. تالاس وزەنىنىڭ ارناسىن تۇزەتۋ اياسىندا تاۋ تاستارى ارقىلى جاعالاۋلاردى نىعايتۋ, ۇزىندىعى 150 مەتر, ەنى 30 مەتر بولاتىن وزەن ءتۇبىن تازارتۋ جۇمىستارى جۇرگىزىلدى. بۇل شارالار توتەنشە جاعدايلار تۋىنداۋ تاۋەكەلىن ايتارلىقتاي تومەندەتەدى. سۋ تاسقىنى قاۋىپتى ۋچاسكەلەرىن مونيتورينگتەۋ جالعاسۋدا, جەدەل دەن قويۋعا دايىندىق ساقتالادى.

سولتۇستىك قازاقستان وبلىسىنىڭ سۋ تاسقىنى كەزەڭىنە دايىندىق جاعدايى باعالاندى. وبلىستا ەلدى مەكەندەردى قورعاۋ جانە سۋ تاسقىنىنان تۋىندايتىن قاۋىپتەردى ازايتۋ ءۇشىن ينجەنەرلىك جۇمىستار جۇرگىزىلۋدە. جۇمىس توپتارى پەتروپاۆل قالاسى, قىزىلجار, شال اقىن جانە ەسىل اۋداندارىنداعى سۋ تاسقىنى قاۋىپتى ۋچاسكەلەرىنە شىعىپ, ينجەنەرلىك شارالاردىڭ ىسكە اسىرىلۋىن جانە «ۋششەۆكا», «كوجەۆەننىي», «0-8 كم» بوگەندەرىنىڭ, سونداي-اق تەپليچنوە, پريبرەجنوە جانە بەسكول اۋىلدارىنداعى بوگەندەردىڭ جاعدايىن تەكسەردى. جەرگىلىكتى ورگاندارعا ەلدى مەكەندەردى قورعاۋ دەڭگەيىن ارتتىرۋ ءۇشىن قوسىمشا شارالار قابىلداۋ ۇسىنىلدى.

قىزىلوردا وبلىسىندا 2024 جىلعا ارنالعان ينجەنەرلىك جوسپارعا 8 شارا ەنگىزىلگەن, ونىڭ 7-ەۋى تولىق ورىندالدى. ءۇش نىساندا قورعاۋ بوگەندەرىن قالپىنا كەلتىرۋ جۇمىستارى جۇرگىزىلدى. 2025 جىلعا ارنالعان سۋ تاسقىنىنا قارسى ينجەنەرلىك شارالار جوسپارى بەكىتىلدى, وعان 9 شارا ەنگىزىلگەن. بۇگىنگى تاڭدا 7 ۋچاسكە اياقتالدى, قالعان 2 ۋچاسكە بيىلعى جىلدىڭ سوڭىنا دەيىن ورىندالادى.

توتەنشە جاعدايلار كوميتەتىنىڭ باس مامانى نۇرسۇلتان قايىربەكوۆ تالدىقورعان قالاسى مەن جەتىسۋ وبلىسىنىڭ بىرنەشە اۋدانىندا سۋ تاسقىنى قاۋىپتى ۋچاسكەلەرىن تەكسەردى. وبلىستىڭ دامۋ جوسپارى مەن ينجەنەرلىك جۇمىستار اياسىندا سۋ تاسقىنىنا قارسى كەشەندى شارالار جۇزەگە اسىرىلۋدا, ولار 6 سۋ تاسقىنى قاۋىپتى وزەننىڭ جاعالاۋلارىن نىعايتۋ, 7 سۋ اعىزۋ ارناسىن تەرەڭدەتۋ, 22 سۋ وتكىزۋ قۇرىلعىلارىن ورناتۋدى قامتيدى. جوسپارلانعان جۇمىستاردىڭ شامامەن 85%-ى اياقتالدى, بۇل 13 ەلدى مەكەن ءۇشىن سۋ باسۋ قاۋپىن ازايتۋعا مۇمكىندىك بەرەدى.

بارلىق وڭىرلەردە وتكىزىلەتىن ءىس-شارالار سۋ تاسقىنىنىڭ تاۋەكەلدەرىن تومەندەتۋگە, حالىقتى جانە ينفراقۇرىلىمدى قورعاۋعا باعىتتالعان. ينجەنەرلىك جوسپارلار اياسىندا جۇمىستار جالعاسۋدا, ال سۋ تاسقىنىنا قاۋىپتى ۋچاسكەلەردى باقىلاۋ تۇراقتى تۇردە جۇرگىزىلۋدە.