باسقا باسىلىمداردان: قازاقستان مەن قىتاي قارىم-قاتىناسى جوعارى دەڭگەيدە دامىپ كەلەدى

ق.توقاەۆتىڭ ايتۋىنشا, وتكەن جىلى ەكى ەلدىڭ تاۋار اينالىمى 44 ملرد دوللارعا جەتكەن. بۇل – بۇرىن-سوڭدى بولماعان ەڭ جوعارى كورسەتكىش.

ء«بىز توراعا سي تسزينپين مىرزامەن مازمۇندى جانە وتە ءتيىمدى كەلىسسوزدەر جۇرگىزدىك. قوس ەلدىڭ ءار سالاداعى ىنتىماقتاستىعى بويىنشا ورتاق كەلىسىمگە كەلدىك. قازاقستان مەن قىتاي اراسىنداعى قارىم-قاتىناستىڭ بولاشاعى جارقىن بولاتىنىنا زور سەنىم بىلدىردىك», دەدى قازاقستان پرەزيدەنتى.

نەگىزى, قىتاي – ورتا ازيانىڭ باستى ساۋدا سەرىكتەسى. جالپى, قىتاي 2023 جىلدىڭ مامىرىندا قىتاي – ورتالىق ازيا ءسامميتىن العاش رەت راسىمدەگەن كەزدەن باستاپ قىتايدىڭ ورتالىق ازيا ەلدەرىمەن قارىم-قاتىناسى جاڭا داۋىرگە اياق باستى.

ماڭىزدى قۇجاتقا قول قويدى 

قىتاي تور­اعاسى سي تسزين­پين قىتاي مەن قازاقستان ءبىر-بىرى­نە سەنىمدى سترا­تە­گيالىق ارىپتەستەر ەكەنىن ايتىپ, ەكى ەلدى جان-جاقتى ىنتىماقتاستىقتى نىعايتۋعا شاقىردى.

بۇل تۋرالى سي تسزينپين شانحاي ىنتىماقتاس­تىق ۇيىمىنىڭ (شىۇ) 2025 جىلعى سامميتىندە, سون­داي-اق قىتايدىڭ ەكىنشى دۇنيەجۇزىلىك سوعىستاعى جانە جاپون باسقىنشىلىعىنا قارسى كۇرەستەگى جەڭىستىڭ 80 جىلدىعىنا ارنالعان ءىس-شارالارىنا قاتىسۋ ءۇشىن كەلگەن قازاقستان پرەزيدەنتى قاسىم-جومارت توقاەۆپەن كەزدەسكەن كەزىندە ايتتى.

«حالىقارالىق جاعداي قالاي وزگەرسە دە, ەكى ەل تاتۋ كورشىلىك ساياساتىن بۇلجىتپاي ۇستانۋى كەرەك», دەدى سي تسزينپين.

ونىڭ ايتۋىنشا, ەكى كورشi ەل ىنتىماقتاستىعى­نىڭ توعىسقان مۇددەلەرi مەن ءوسۋiنiڭ جاڭا باعىت­تا­­رىن اشۋ ءۇشiن ءوز دامۋ ستراتەگيالارىن سايكەستەندi­رۋ­گە, كوپجاقتى ىنتىماقتاستىق ارقىلى شىۇ-نى نىعايتۋعا جانە حالىقارالىق جۇيەنiڭ نەعۇرلىم ادiلەتتi جانە پاراساتتى بولۋىنا ىقپال ەتۋi كەرەك.

ال ق.توقاەۆ ءوز كەزەگىندە قازاقستان – قىتاي قارىم-قاتىناستارى تاريحتاعى ەڭ جاقسى كەزەڭدە ەكەنىن, ەكى ەل وتكەن جىلى ساۋدا كولەمى رەكوردتىق جوعارى بولعانىن جانە قىتايمەن قارىم-قاتىناستى جاڭا بەلەسكە شىعارۋ ءۇشىن ىنتىماقتاستىقتى تەرەڭدەتۋگە دايىن ەكەنىن ايتتى.

كەزدەسۋ بارىسىندا ەكى ەل باسشىسى ەنەرگەتيكا, تەحنولوگيا, تۇرعىن ءۇي, ءبىلىم, سپورت جانە جانۋارلار دۇنيەسىن قورعاۋ سالالارىن قامتيتىن 20-دان اسا ىنتىماقتاستىق قۇجاتقا قول قويدى.

تيانتسزيندەگى ناتيجەلى كەلىسسوزدەر 

قازاقستان پرەزيدەنتى قاسىم-جومارت توقاەۆ تا­ريحي قالا تيانتسزيندە قىتاي باسشىسىمەن كەلىس­سوز جۇرگىزدى. كەزدەسۋ بارىسىندا ق.توقاەۆ سي تسزينپينگە جىلى قارسى العانى ءۇشىن العىس ءبىلدىردى.

«قازاقستان ەلىڭىزدىڭ شىۇ-عا توراعالىق ەتۋىن تولىق قولدايدى جانە ونىڭ كۇن ءتارتىبىن ىلگەرىلەتۋگە بەلسەندى ۇلەس قوسىپ وتىر. سىزدەردى ەكىنشى دۇنيەجۇزىلىك سوعىستاعى جەڭىستىڭ جانە قىتايدىڭ جاپون ءميليتاريزمىن جەڭگەنىنىڭ 80 جىلدىعىمەن قۇتتىقتاعىم كەلەدى. ءفاشيزمدى جەڭۋگە وراسان زور ۇلەس قوسىپ, تەڭدەسى جوق ەرلىك, شىنايى وتانسۇيگىشتىك پەن قايتپاس ەرىك-جىگەر تانىتقان قىتاي حالقىنىڭ ەرلىك ىستەرى ۇلكەن قۇرمەت پەن جاھاندىق مويىنداۋعا لايىق», دەدى پرەزيدەنت ق.توقاەۆ.

قىتاي قازاقستاننىڭ ەڭ ءىرى ساۋدا سەرىكتەسى بولىپ قالا بەرمەك. بىرلەسكەن ءىرى جوبالار تۇراقتى دامىپ كەلەدى. 2025 جىل قازاقستانداعى قىتاي ءتۋريزمىنىڭ جىلى بولىپ بەلگىلەندى. سونىڭ اياسىندا قازاقستاندا ەكىنشى جانە ءۇشىنشى لۋ بان شەبەرحانالارى اشىلدى. بەيجىڭدە قازاق مادەني ورتالىعى دا قۇرىلدى.

دايىنداعان –

گۇلنار جولجان,

«Egemen Qazaqstan»