جالعان اقپاراتقا قارسى ءىس-قيمىل ورتالىعىنىڭ جاڭا شولۋىندا جاريالانىمدارداعى ادەيى ەنگىزىلگەن قاتەلىكتەردىڭ اۋديتورياعا ىقپال ەتۋ قۇرالىنا اينالىپ, شىنايى سۋرەتتى بۇرمالايتىنى ءسوز بولدى, دەپ حابارلايدى Egemen.kz.
تالداۋدا مۇنداي «قاتەلەردىڭ» كوپ جاعدايدا كەزدەيسوق بولمايتىنى, كەرىسىنشە بەلگىلى ءبىر رەداكتسيالىق ساياسات مۇددەسىنە سايكەس قولدانىلاتىنى ايتىلعان. ولار قوعامدىق ديسكۋرستى باعىتتاپ, وقىرماندى ناقتى دەرەكتەردەن گورى ەموتسياعا جەتەلەيدى جانە اۆتوردىڭ جەكە ۇستانىمىن باسقالارعا تاڭۋعا جاعداي جاسايدى. مۇنداي ءادىس «وۆەرتون تەرەزەسىن» پايدالانا وتىرىپ, قوعامدىق كوزقاراستى قالىپتاستىرۋعا اسەر ەتەدى.سونىمەن قاتار, ورتالىق مۇنداي بۇرمالاۋلاردىڭ الەۋمەتتىك جەلىلەردە جىلدام تاراپ, پىكىرلەر ارقىلى كۇشەيىپ, كەيدە جەكە قاقتىعىستاردىڭ كوزىنە اينالاتىنىن اتاپ ءوتتى.بۇل شىعارىلىمنىڭ نەگىزگى ماقساتى — جۋرناليستەرگە, ساراپشىلارعا جانە الەۋمەتتىك جەلىلەردىڭ بەلسەندىلەرىنە اقپارات ازىرلەۋ بارىسىندا اۋديتورياعا قۇرمەتپەن قاراۋدىڭ ماڭىزدىلىعىن ەسكە سالۋ.تولىق شىعارىلىمدى ورتالىق كوممۋنيكاتسيالار قىزمەتىنىڭ رەسۋرستارىنان كورۋگە بولادى.