ءىىم كريمينالدىق پوليتسيا دەپارتامەنتى مەن اقمولا وبلىسى پوليتسيا دەپارتامەنتىنىڭ قىزمەتكەرلەرى اۋداندىق ءماسليحات توراعاسىنا جاسالعان قاراقشىلىق شابۋىلدى اشكەرەلەدى, دەپ حابارلايدى Egemen.kz.
Polisia.kz سايتىنىڭ حابارلاۋىنشا 15 شىلدەدە بەتپەردە جانە كاپيۋشون كيگەن ەكى ەر ادام استراحانكا اۋىلىندا ەرلى-زايىپتىلاردىڭ ۇيىنە كىرىپ, اڭشى مىلتىعىمەن قورقىتۋ ارقىلى قاراقشىلىق شابۋىل جاساعان. شىعىن ءتورت ميلليون تەڭگەدەن استام. ولار جابىرلەنۋشىلەردى بايلاپ, ۇيلەرىنىڭ جەرتولەسىنە قاماپ كەتكەن.
ءىىم كريمينالدىق پوليتسيا دەپارتامەنتىنىڭ باستىعى قانات نۇرماعامبەتوۆتىڭ ايتۋىنشا جەدەل-ىزدەستىرۋ ءىس-شارالارى بارىسىندا كۇدىكتى ءۇش ادام ۇستالعان.«ولاردىڭ ەكەۋى جامبىل وبلىسىنىڭ, ءبىرى تۇركىستان وبلىسىنىڭ تۇرعىنى. بۇعان دەيىن بىرنەشە رەت وسىنداي قىلمىستار ءۇشىن سوتتى بولعان.ءتىنتۋ بارىسىندا جابىرلەنۋشىلەرگە تيەسىلى التىن بۇيىمدار تاركىلەندى», دەدى ق.نۇرماعامبەتوۆ.
قازىرگى ۋاقىتتا ۇشەۋى دە ۋاقىتشا ۇستاۋ يزولياتورىنا قامالعان, تەرگەۋ جۇرگىزىلىپ جاتىر.