ريو-دە-جانەيرو قالاسىندا بريكس ەلدەرىنىڭ باق پەن اناليتيكالىق ورتالىقتارىنىڭ فورۋمى ءوتتى. فورۋمعا جەتەكشى مەديا قۇرىلىمداردىڭ, مەملەكەتتىك ۆەدومستۆولاردىڭ, عىلىمي جانە ىسكەر توپتاردىڭ وكىلدەرى قاتىستى, دەپ حابارلايدى Egemen.kz.
فورۋم اياسىندا قازاقستان رەسپۋبليكاسى پرەزيدەنتى جانىنداعى ورتالىق كوممۋنيكاتسيالار قىزمەتىنىڭ ديرەكتورى اسقار وماروۆتىڭ قىتايدىڭ «سينحۋا» اقپاراتتىق اگەنتتىگىنىڭ باس ديرەكتورى فۋ حۋامەن كەزدەسۋى ءوتتى. تاراپتار ەكىجاقتى مەديا ىنتىماقتاستىقتى تەرەڭدەتۋ ماسەلەلەرىن تالقىلاپ, بۇعان دەيىن قول جەتكىزىلگەن ۋاعدالاستىقتاردىڭ وزەكتى ەكەنىن راستادى.
قىتاي تاراپى كازاحستاننىڭ اقپاراتتىق ءوزارا ءىس-قيمىلدى دامىتۋعا قوسقان ۇلەسىن جوعارى باعالادى.
سونىمەن قاتار, فورۋم اياسىندا اسقار وماروۆ لاتىن امەريكاسى مەن ازيا ەلدەرىنىڭ مەملەكەتتىك ۆەدومستۆولارى مەن اناليتيكالىق ورتالىقتارىنداعى ارىپتەستەرىمەن بىرقتار كەزدەسۋ وتكىزدى.