بالىق ونەركاسىبى قازىر كەنجەلەپ تۇر. اتىراۋ سەكىلدى بالىقتى وڭىرلەردە بۇل شارۋاشىلىقتى جانداندىرۋ وتە ماڭىزدى. وڭىرلەردى ارالاپ جۇرگەن سەناتورلار وسى ماسەلەگە زەر سالدى.
سەنات دەپۋتاتى الىبەك ناۋتيەۆ اتىراۋ وبلىسىنىڭ تۇرعىندارمەن كەزدەستى. اتىراۋلىقتار سالىق سالۋ, كاسىپوداق ۇيىمدارىنىڭ جۇمىسى, گەولوگيالىق بارلاۋ مەن جەكەلەگەن مينيسترلىكتەر جۇمىسىنىڭ تيىمدىلىگى تۋرالى ماسەلەلەردى كوتەردى. سەناتور بارلىق ءوتىنىش جۇيەلەنىپ, ءتيىستى مەملەكەتتىك ورگاندارعا جىبەرىلەتىنىن ايتتى.
سونداي-اق دەپۋتات ماحامبەت اۋدانىنداعى تالدىكول اۋىلىندا سالىنىپ جاتقان بالىق زاۋىتىندا بولدى. ءوندىرىستىڭ جىلىنا 100 توننا بالىق پەن 15 ملن قىزىل بالىق شاباعىن وسىرۋگە الەۋەتى بار. بۇگىندە كاسىپورىن قۇرىلىسى اياقتالۋعا جاقىن. دەگەنمەن بىلتىرعى سۋ تاسقىنىنىڭ سالدارىنا بايلانىستى ونەركاسىپتى ىسكە قوسۋ كۇردەلەنە تۇسكەن. جىلىجايلار زاقىمدالىپ, بالىق وڭدەۋگە ارنالعان جابدىقتار ىستەن شىققان. تالدىكول اۋىلىنداعى كىرمە جولدى جوندەۋگە ءىشىنارا قارجىلاندىرۋ قوسىمشا پروبلەماعا اينالعان. بۇل دا قۇرىلىستىڭ اياقتالۋىن تەجەپ وتىر.
«بالىق ونەركاسىبى – ەلىمىزدىڭ ازىق-ت ۇلىك قاۋىپسىزدىگى عانا ەمەس, جۇمىسپەن قامتۋ جانە تابيعي رەسۋرستاردى تۇراقتى پايدالانۋعا اسەر ەتەتىن ستراتەگيالىق ماڭىزدى سالا. مۇنداي جوبالاردى وسى اتىراۋ سەكىلدى بالىقتى وڭىرلەردە ىسكە اسىرىپ, دامىتۋ قاجەت. وعان, ارينە, مەملەكەتتىك قولداۋ كەرەك», دەدى سەناتور.
سەنات دەپۋتاتتارى بەكبولات ورىنبەكوۆ پەن ساكەن ارۋباەۆ جامبىل وبلىسىنداعى مەركى جانە قورداي اۋداندارىندا بولدى. ولار مەركى اۋدانىنداعى جىلۋ قازاندىقتارىنىڭ جاي-كۇيىمەن, جالپى ءوڭىردىڭ جىلىتۋ ماۋسىمىنا دايىندىعىمەن تانىستى. ا.قوسان ۇلى اتىنداعى №18 ورتا مەكتەپتىڭ جىلۋ قۇبىرىن اۋىستىرۋ جۇمىسىن دا كوردى. قازىر مۇندا جۇمىستىڭ 80 پايىزى اياقتالعان.
ال قورداي اۋدانىندا دەپۋتاتتار اۋداندىق ورتالىق اۋرۋحانا مەن د.قوناەۆ اتىنداعى №1 مەكتەپ-گيمنازياسىندا بولىپ, ءبىلىم بەرۋ جانە دەنساۋلىق ساقتاۋ ماسەلەلەرىن تالقىلادى.
سەناتور اينۇر ارعىنبەكوۆا دا اباي وبلىسىنداعى اباي جانە بەسقاراعاي اۋداندارىنداعى دارىگەرلىك مەكەمەلەردىڭ جاي-كۇيى مەن بالالاردىڭ جازعى دەمالىسىن ۇيىمداستىرۋ بارىسىن كوردى. وردا, مەدەۋ جانە سارجال اۋىلدارىنداعى جاڭا فەلدشەر-اكۋشەرلىك بەكەتتەردىڭ جۇمىسىمەن تانىستى. دارىگەرلىك مەكەمەلەر «اۋىلدا دەنساۋلىق ساقتاۋدى جاڭعىرتۋ» ۇلتتىق جوباسى اياسىندا سالىنىپ, پايدالانۋعا بەرىلگەن. الايدا سەناتور اتاپ وتكەندەي, اۋماقتى اباتتاندىرۋ, سەپتيك سالۋ, ىشكى ءۇي-جايلاردى جاراقتاندىرۋ سەكىلدى ماسەلەلەر شەشىمىن تاپپاي وتىر.
ء«بىز بارعان دارىگەرلىك مەكەمەلەر نەگىزگى ستاندارتتارعا سايكەس كەلەدى, بىراق اباتتاندىرۋدان باستاپ سانيتارلىق جاعدايدى قامتاماسىز ەتۋگە دەيىنگى جۇمىستار اقساپ تۇر. شالعاي اۋىلداعى ءار تۇرعىن ءوز دەنساۋلىعىنا مەملەكەت كوڭىل بولەتىنىن سەزىنۋى كەرەك», دەپ اتاپ ءوتتى سەناتور.
اباي اۋداندىق اۋرۋحاناسىنىڭ عيماراتىن دا كۇردەلى جوندەۋ, كولىك قاجەت, مەديتسينا ماماندارى تاپشى.
ال سەناتور امانگەلدى نۇعمانوۆ ق.جۇبانوۆ اتىنداعى اقتوبە وڭىرلىك ۋنيۆەرسيتەتىندە بولدى. ۋنيۆەرسيتەت رەكتورى لاۋرا قاراباسوۆا يننوۆاتسيا سالاسىنداعى جوبالار مەن ينجەنەر كادرلارىن دايارلاۋ ىسىنە توقتالىپ, 100 مىڭنان اسا ستۋدەنتتى قامتيتىن AI-Sana ۇلتتىق جوباسىنا ۋنيۆەرسيتەتتىڭ دە قاتىسقانىن جەتكىزدى.
«ايماقتىق ۋنيۆەرسيتەتتەر عىلىم مەن تەحنولوگيانى تارتۋ ورتالىعىنا اينالۋى كەرەك. ولاردىڭ مىندەتى – كادر دايارلاۋمەن قاتار اۋماقتى دامىتۋدىڭ كوشباسشىسى بولۋعا ۇمتىلۋ. تۇلەكتەردىڭ وڭىردە قالۋىنا جانە تۋعان ولكەنى دامىتۋعا جاعداي جاساۋ قاجەت», دەدى سەناتور.
دەپۋتات ۋنيۆەرسيتەتتىڭ ينفراقۇرىلىمىمەن, Heriot-Watt University كامپۋسىمەن, يننوۆاتسيالىق تەحنولوگيا پاركىمەن, جاستار ۇيىمەن جانە عىلىمي كىتاپحانامەن تانىستى.