الەۋمەتتىك نىساندار جاعدايىمەن تانىستى

سەناتور باۋىرجان قانيەۆ اقتوبە وبلى­سى­­­نىڭ اكىمدەرىمەن, وبلىستىق ءماسليحات دەپۋ­تات­تارى­مەن جانە ارداگەرلەر قوعامداس­تىعى­نىڭ وكىلدەرىمەن جىلىتۋ ماۋسىمىنا دايىن­دىق, ينفرا­قۇ­رىلىم جوبالارىن ىسكە اسى­رۋ, بيۋد­­جەتتىڭ اتقارىلۋى جانە مەم­لەكەتتىك قارجى­نى پايدالانۋدىڭ تيىمدىلىگى ماسەلەلەرىن تالقىلادى.

«ۇلتتىق ماقساتتى وڭىرلەرمەن تىعىز بايلانىسسىز جۇزەگە اسىرۋ مۇمكىن ەمەس. بۇل جەردە ادامدار كۇندەلىكتى ومىردە نەمەن بەتپە-بەت كەلەتىنىن بايقاۋعا بولادى. مۇنداي ساپارلار مەملەكەت دەڭگەيىندە جۇيەلى شەشۋدى جانە قولداۋدى قاجەت ەتەتىن ماسەلەلەردى تەرەڭ تۇسىنۋگە مۇمكىندىك بەرەدى», دەدى سەناتور.

دەپۋتات كوممۋنالدىق قىز­مەت­تەردىڭ كۇزگى-قىسقى كەزەڭگە دايىن­دىعىنا, الەۋمەتتىك جانە ين­جەنەرلىك نىساندار قۇرىلى­سىنىڭ بارىسىنا قانىعىپ, وڭىردە ورنىقتى ەكونوميكالىق ءوسۋدى قامتاماسىز ەتۋ جونىندەگى جۇمىس­تاردىڭ ساپالى بولۋىن ەسكە سالدى.

سەنات دەپۋتاتى تالعات ءجۇنىسوۆ اقمولا وبلىسىنداعى بۋراباي جانە بۇلاندى اۋداندارىندا بولىپ, الەۋمەتتىك جانە ينفراقۇرى­لىمدىق جوبالاردى ىسكە اسىرۋ بارىسىمەن تا­نىستى. ول سونداي-اق كەنەسارى جانە قاتاركول اۋىلدارىندا مادەني ورتالىقتار قۇرىلىسىندا, ششۋچينسك قالاسىندا ورمان شارۋاشىلىعى, ەكولوگيا جانە تۋريزم جوعارى كوللەدجىندە بولدى. «زۆەزدنىي» لاگەرىندە بولعان كەزدە بالالاردى ورنالاستىرۋ, تاماق­تان­دىرۋ جانە بوس ۋاقىتتى وتكىزۋ بارىسىمەن تانىستى, مەكەمە ۇجىمىمەن اڭگىمەلەستى.

بۇعان قوسا دەپۋتات اتامەكەن اۋىلدىق وكرۋگىندەگى جاسىل جانە شيەلى اۋىلدارىندا سۋ قۇبىرىن سالۋ جوبالارىن ىسكە اسىرۋ بارىسىمەن تانىستى. بۇلاندى اۋدانىنىڭ ۆوزنەسەنكا اۋىلىندا بولىپ, مادەني ورتالىق قۇرىلىسىن جانە كوپىردى قايتا جاڭارتۋ جۇمىسىن كوردى. ول بالۋان شولاق اتىنداعى مەكتەپ-ليتسەي مەن ماكينسك قالاسىنداعى №1 ورتا مەكتەپتىڭ كۇردەلى جوندەۋ جۇمىستارىمەن تانىستى. ۇستازدارمەن اڭگىمە بارىسىندا جاڭا وقۋ جىلىنا دايىندىق, وقۋ ورىندارىن جاراقتاندىرۋ جانە وقىتۋعا جاعداي جاساۋ ماسەلەلەرى كوتەرىلدى.

ال سەنات دەپۋتاتى نۇرتورە ءجۇسىپ مەملە­كەتتىك قىزمەت ىستەرى اگەنتتىگى جانىنداعى ادەپ جونىندەگى كوميسسيانىڭ كەزەكتى وتىرىسى­نا قاتىستى. ول ءوز سوزىندە قازىرگى الەمدە بولىپ جاتقان شۇعىل وزگەرىستەر جاعدايىن­دا مەم­لەكەتتىك قىزمەت قوعام نازارىندا ەكەنىن اتاپ ءوتتى. ونىڭ ايتۋىنشا, ازاماتتار مەملەكەتتىك قىزمەتشىلەردەن قۇزىرەتتىلىكتى عانا ەمەس, بيىك ادامگەرشىلىكتى, ادىلدىك پەن ادامعا قۇرمەت كورسەتۋدى كۇتەدى. سوندىقتان ولاردىڭ مىنەز-قۇلقىنىڭ ەتيكالىق ەرەجەسىن قالىپتاستىرۋ مەملەكەتتىك ساياساتتىڭ باسىمدىعىنا اينالدى.

«بۇل كوميسسيانىڭ دامۋى مەملەكەتتىك باسقارۋدا ادالدىق, ازاماتتاردىڭ قۇقىعىن قۇرمەتتەۋ, قوعام مۇددەسىنە قىزمەت ەتۋ سياقتى قۇندىلىقتاردى ءبىرىنشى ورىنعا شىعاراتىن اۋقىمدى رەفورمانىڭ بولىگى بولۋعا ءتيىس. سونىمەن قاتار تسيفرلىق ترانسفورماتسيا جانە قوعامدىق باقىلاۋ كۇشەيە تۇسكەن جاعدايدا مەملەكەتتىك قىزمەتشىلەردىڭ كەز كەلگەن ءىس-ارەكەتى ايقىن بولادى. دەمەك, ولاردىڭ مىنەز-قۇلقىنا قويىلاتىن تالاپ تا قاتايا تۇسەدى. سوندىقتان ادەپ جونىندەگى كوميسسيا تورەشى عانا ەمەس, ءادىل جانە اشىق مەملەكەتتىك باسقارۋدىڭ تالىمگەرى, كەڭەسشىسى جانە كەپىلگەرى بولۋعا ءتيىس», دەدى ن.ءجۇسىپ.

دەپۋتاتتىڭ ايتۋىنشا, پرەزيدەنت ءوز جولداۋلارىندا مەملەكەتتىك قىزمەتتىڭ ەتيكالىق مادەنيەتىن ارتتىرۋ, مەريتوكراتيا, اشىقتىق جانە حالىققا قىزمەت ەتۋ قاعيداسىنا نەگىزدەلگەن باسقارۋشى ەليتانى قالىپتاستىرۋ, سونداي-اق سىبايلاس جەمقورلىق كورىنىسىنە مۇلدەم توزبەۋ قاجەتتىگىنە نازار اۋدارىپ وتىر. بۇل تۇرعىدا ادەپ جونىندەگى كوميسسيا تەك كونسۋلتاتيۆتىك ورگان ەمەس, مەملەكەتتىك باسقارۋدى جاڭعىرتۋ جونىندەگى پرەزيدەنت سايا­ساتىن ىسكە اسىرۋدىڭ ءتيىمدى تەتىگى بولۋعا ءتيىس.