12–25 مامىر ارالىعىندا قر ۇقك شەكارا قىزمەتىنىڭ اسكەري-پاتريوتتىق قىزمەت باسقارماسىنىڭ ۇيىمداستىرۋىمەن العاش رەت شەكارا ماڭى وڭىرلەرىندە تۇراتىن بالالار اراسىندا «شەكارا مۇراگەرى» اتتى بەينەروليكتەر بايقاۋى وتكىزىلدى. بايقاۋ ءساتتى اياقتالىپ, جەڭىمپازدار ارنايى ماراپاتتالدى.
بايقاۋدىڭ ماقساتى – شەكارا ماڭىنداعى ايماقتاردىڭ ءومىرى مەن ماڭىزدىلىعىنا نازار اۋدارتۋ, سول وڭىرلەردە تۇراتىن بالالاردىڭ كوزقاراسى ارقىلى تۋعان جەرگە دەگەن سۇيىسپەنشىلىك پەن شەكاراشى ماماندىعىنا دەگەن قۇرمەتتى قالىپتاستىرۋ.
بايقاۋعا 14 مەكتەپ وقۋشىسى قاتىستى. ولاردىڭ اتا-انالارى اسكەري سالادا قىزمەت ەتپەسە دە, بالالاردىڭ شەكارا قىزمەتىنە دەگەن قىزىعۋشىلىعى مەن پاتريوتتىق كوزقاراسى بايقاۋدا ايقىن كورىنىس تاپتى.
بايقاۋ جەڭىمپازدارىن ماراپاتتاۋ ءراسىمى قر ۇقك شەكارا قىزمەتىنىڭ ۇيىمداستىرۋىمەن ءوتتى. اتالعان ءىس-شاراعا جۋىردا استانا قالاسىنداعى 16 ورتا ءبىلىم بەرۋ مەكەمەسىندە اشىلعان «جاس شەكاراشى» سىنىبىنىڭ وقۋشىلارى دا ارنايى شاقىرىلدى.
بۇل سىنىپتىڭ اشىلۋىنا دا تىكەلەي باستاماشى بولعان – اسكەري-پاتريوتتىق قىزمەت باسقارماسى. سونىمەن قاتار, ارداگەر شەكاراشىلار ۇيىمى – «زاستاۆا تارلاندارى» قوعامدىق بىرلەستىگى سىنىپتىڭ ماتەريالدىق-تەحنيكالىق جابدىقتالۋىنا دەمەۋشىلىك كورسەتىپ, وقۋشىلارمەن الداعى ۋاقىتتا تۇراقتى اسكەري-پاتريوتتىق جۇمىستار جۇرگىزۋدى جوسپارلاپ وتىر.
مەملەكەت باسشىسى ۇلتتىق قۇرىلتايدىڭ IV وتىرىسىندا اتاپ وتكەندەي, شەكارا ماڭىنداعى اۋدانداردى دامىتۋ – ەل قاۋىپسىزدىگىنىڭ ماڭىزدى بولىگى. وسى باعىتتاعى باستامالار – شەكارالىق ەلدى مەكەندەردەگى جاس ۇرپاقتىڭ سانالى ازامات بولىپ قالىپتاسۋىنا ۇلكەن ۇلەس قوسادى.