12-25 مامىر كۇندەرى ۇقك شەكارا قىزمەتىندە العاش رەت شەكارا ماڭى اۋداندارىندا تۇراتىن بالالار اراسىندا «شەكارا مۇراگەرى» بەينەروليكتەر بايقاۋى وتپەك.
ۇيىمداستىرۋشىلار اتاپ وتكەندەي, بايقاۋدىڭ نەگىزگى ماقساتى – شەكارا ماڭىنداعى اۋماقتاردىڭ ءومىرى مەن ەرەكشەلىكتەرىنە نازار اۋدارۋ, وسى وڭىرلەردە تۇراتىن بالالاردىڭ جەكە اڭگىمەلەرى ارقىلى ولاردىڭ ەل ءۇشىن ماڭىزدىلىعىن كورسەتۋ, سونداي-اق بالالار بويىندا شەكاراشى ماماندىعىنا دەگەن قۇرمەت پەن پاتريوتيزم سەزىمىن وياتۋ.
بايقاۋعا 14 مەكتەپ وقۋشىسى قاتىسپاق. ولاردىڭ اتا-انالارى اسكەري سالادان تىس ازاماتتىق سەكتوردا جۇمىس ىستەيدى. بالالار بايقاۋ تاپسىرماسى بويىنشا «شەكاراشىلار بالالارعا نە ۇيرەتەدى؟» تاقىرىبىندا بەينەروليكتەر ازىرلەپ, تۋعان ولكەسىنىڭ تابيعي ەرەكشەلىكتەرى, سونداي-اق شەكارانى كۇزەتۋ ارقىلى وتاندى قورعاۋعا قالاي كومەكتەسەتىنى تۋرالى اڭگىمەلەيدى.
مەملەكەت باسشىسى ۇلتتىق قۇرىلتايدىڭ IV وتىرىسىندا ايتقانداي, اۋىلدىق ايماقتاردى دامىتۋ تۇجىرىمداماسىندا شەكارا ماڭىنداعى اۋداندارعا قاتىستى جۇمىستىڭ نەگىزگى باسىمدىقتارى ايقىندالعان. شەكارالاس ەلدى مەكەندەردەگى جاعداي مەملەكەتتىڭ قاۋىپسىزدىگىنە تىكەلەي اسەر ەتەدى جانە ستراتەگيالىق ماڭىزى بار.
ۇسىنىلعان بايقاۋ بەينەروليكتەرى ۇقك شەكارا قىزمەتىنىڭ پاراقشاسىندا جاريالانىپ, جەڭىمپازدار انىقتالادى. بالالاردى قورعاۋ كۇنى قارساڭىندا شەكاراشىلاردىڭ جاس دوستارى سالتاناتتى تۇردە ماراپات الۋ ءۇشىن ەلورداعا شاقىرىلماق.