قاتار استاناسى دوحادا ءوتىپ جاتقان سپورتتىق گيمناستيكادان الەم كۋبوگىنىڭ كەزەڭىندە قازاقستان قۇراماسى تابىستى ونەر كورسەتتى, دەپ حابارلايدى Egemen.kz.
ەركىن جاتتىعۋ باعدارلاماسىندا ميلاد كاريمي مەن التىنحان تەمىربەك ەل قورجىنىنا التىن جانە كۇمىس جۇلدە سالدى.
ميلاد كاريمي تاماشا ناتيجە كورسەتىپ, 14.466 ۇپايمەن جارىس جەڭىمپازى اتاندى. ودان كەيىنگى ورىندى 13.633 ۇپاي جيناعان التىنحان تەمىربەك يەلەندى. ۇزدىك ۇشتىكتى ۇلىبريتانيا وكىلى سەم موستوۋفي تۇيىندەدى — ونىڭ كورسەتكىشى 13.600 ۇپاي.
ايتا كەتەيىك, 18 ساۋىردە وتەتىن ات سناريادىنداعى جاتتىعۋدىڭ فينالدىق كەزەڭىنە تاعى ەكى قازاقستاندىق گيمناست — ناريمان قۇربانوۆ پەن زەينوللا ىدىرىسوۆ قاتىسادى.