ناۋرىز مەيرامى – تابيعات پەن ادامزاتتىڭ جاڭارۋىن بەينەلەيتىن ەرەكشە مەرەكە. بۇل كۇنى يگى ىستەرگە باستاماشى بولۋ داستۇرگە اينالعان. وسى ورايدا استانا قالاسىنىڭ دەنە شىنىقتىرۋ جانە سپورت باسقارماسىنىڭ باستاماسىمەن «تازا قازاقستان» ەكولوگيالىق اكتسياسى ۇيىمداستىرىلىپ, قالانىڭ ءارتۇرلى ورىندارىندا سپورتشىلار وزدەرىنىڭ جارىس وتكىزەتىن ورىندارىن قوقىستان تازارتىپ, قالانىڭ كوركەيۋىنە ۇلەس قوستى, دەپ حابارلايدى Egemen.kz ەلوردا اكىمدىگىنىڭ رەسمي سايتىنا سىلتەمە جاساپ.
اكتسيا بارىسىندا سپورتشىلار, باپكەرلەر, سونداي-اق قالا تۇرعىندارى مەن قوناقتارى بىرىگىپ, ناۋرىز مەرەكەسى اياسىندا وتكەن سپورت سايىستارىنىڭ ورىندارىندا تازالىق جۇرگىزدى.
«ناۋرىز مەيرامى اياقتالعان سوڭ ەكسپو الاڭىندا جارىس وتكىزگەن باپكەرلەر مەن قالا تۇرعىندارى بىرىگىپ, ورىنداردى جيناپ شىقتى. بۇل باستاما – قورشاعان ورتانى تازا ۇستاۋعا دەگەن قۇرمەتتىڭ بەلگىسى. سپورت تەك دەنساۋلىقتى نىعايتۋ عانا ەمەس, ول – ءتارتىپ پەن جاۋاپكەرشىلىك. ءبىزدىڭ سپورتشىلار ۇلگى بولا وتىرىپ, جاستاردى تابيعاتتى قورعاۋعا شاقىرادى», – دەپ اتاپ ءوتتى ۇيىمداستىرۋشىلار.
«تازا قازاقستان» اكتسياسى جىل سايىن وتەتىن ەكولوگيالىق باستاما رەتىندە قورشاعان ورتاعا قامقورلىق جاساۋدىڭ ماڭىزدىلىعىن كورسەتەدى.