مادەنيەت جانە اقپارات مينيسترلىگى مەن قحر مادەنيەت جانە تۋريزم مينيسترلىگى اراسىنداعى قازاقستان-قىتاي ىنتىماقتاستىق كوميتەتىنە قاراستى مادەني-گۋمانيتارلىق ىنتىماقتاستىق جونىندەگى كىشى كوميتەتىنىڭ 16-وتىرىسى ءوتتى, دەپ حابارلايدى Egemen.kz.
ءىس-شارا ونلاين فورماتتا ءوتتى, وعان قر مادەنيەت جانە اقپارات ۆيتسە-ءمينيسترى ايبەك سىدىقوۆ پەن قحر مادەنيەت جانە تۋريزم ۆيتسە-ءمينيسترى گاو چجەن قاتىستى.
ەكى تاراپ مادەني-گۋمانيتارلىق ىنتىماقتاستىقتىڭ نەگىزگى باعىتتارىن جان-جاقتى تالقىلاپ, الدىڭعى وتىرىستىڭ حاتتاماسىن جۇزەگە اسىرۋ تۋرالى پىكىر الماستى.
وتىرىستا مادەنيەت پەن ونەر, راديو, تەلەۆيزيا جانە كينو ءوندىرۋ, اۋدارما جانە باسپا ءىسى, ارحيۆ ءىسى, جاستار ساياساتى, تۋريزم جانە مادەني مۇرانى قورعاۋ سالالارىنداعى ىنتىماقتاستىق ماسەلەلەرى قارالدى.
جيىن سوڭىندا تاراپتار مادەني-گۋمانيتارلىق كىشى كوميەتتىڭ 17-وتىرىسىنا دايىندىق بارىسىن تالقىلاپ, ەكىجاقتى بايلانىستاردى ودان ءارى نىعايتۋعا نيەتتى ەكەندەرىن ءبىلدىردى.