استانا قالاسى بيىلعى ناۋرىز مەيرامىن ەرەكشە اۋقىمدا اتاپ وتپەك. قالالىق ىشكى ساياسات باسقارماسىنىڭ حابارلاۋىنشا, 14-23 ناۋرىز ارالىعىندا ەلوردادا «ناۋرىزناما» ونكۇندىگى وتەدى. بۇل كۇندەرى 200-دەن استام مەرەكەلىك ءىس-شارا ۇيىمداستىرىلادى, دەپ حابارلايدى Egemen.kz.
نەگىزگى مەرەكەلىك باعدارلامالار 21-22 ناۋرىزدا قالانىڭ الاڭدارىندا, سونداي-اق 14 تۇرعىن الاپتا وتەدى. اۋدان اكىمدىكتەرى مەن مادەنيەت باسقارماسىنىڭ قولداۋىمەن كونتسەرتتىك باعدارلامالار, ۇلتتىق ويىندار, جارمەڭكەلەر مەن تەاترلاندىرىلعان قويىلىمدار ۇيىمداستىرىلادى.
سونىمەن قاتار, ەلوردالىقتار مەن قوناقتار ءۇشىن قولونەر كورمەلەرى, ۇلتتىق تاعامدار فەستيۆالدەرى, سپورتتىق جارىستار جانە ناۋرىزدىڭ ءداستۇرلى سالت-داستۇرلەرىن ناسيحاتتايتىن شارالار قاراستىرىلعان.
ايتا كەتەيىك, ناۋرىز مەيرامىنا جۇمسالاتىن قارجى جەرگىلىكتى بيۋدجەتتەن جانە دەمەۋشىلەردىڭ قولداۋىمەن قامتاماسىز ەتىلەدى. قازىرگى ۋاقىتتا ءىس-شارالاردى وتكىزۋگە قاجەتتى قاراجات كولەمى ناقتىلانىپ جاتىر.
بيىلعى ناۋرىز ەلوردالىقتار ءۇشىن كەڭ اۋقىمدى باعدارلامامەن, ءتۇرلى مادەني جانە ويىن-ساۋىق ءىس-شارالارىمەن ەرەكشەلەنبەك. ۇلتتىق مەيرامدى جوعارى دەڭگەيدە اتاپ ءوتۋ ءۇشىن قالا اكىمدىگى بارلىق قاجەتتى دايىندىق جۇمىستارىن جۇرگىزىپ جاتىر.