سولتۇستىك قازاقستان وبلىسىنىڭ تايىنشا جانە ايىرتاۋ اۋداندارىندا تابيعاتتىڭ ەركەسى, سۇلۋ ەلىكتەردى اتقاندار ۇستالدى, دەپ حابارلايدى Egemen.kz.
رەسپۋبليكالىق «براكونەر» شاراسىنىڭ شەڭبەرىندە زاڭسىز اڭشىلىقتى باقىلاۋعا شىققان پوليتسەيلەر تايىنشا اۋدانىنداعى كۇدىكتىنىڭ ۇيىنە كەلگەندە ونىڭ قوراسىنان جايراپ جاتقان بەس ەلىكتى تاپقان. جانۋارلار 43 جاستاعى ازاماتتىڭ قولىنان وققا ۇشقانى بەلگىلى بولدى. ونىڭ توز-34 ماركالى مىلتىعى تاركىلەندى. تابيعاتقا كەلتىرىلگەن شىعىن 7 ملن تەڭگەنىڭ شاماسىندا.
ەكىنشى براكونەر ايىرتاۋ اۋدانىندا اتپەن جۇرگەندە ۇستالدى. ول ەشقايدا تىركەلمەگەن يج-17 ماركالى مىلتىقپەن ءۇش ەلىكتى اتىپ تاستاعان. ەكى ءىس بويىنشا دا قىلمىستىق ءىس قوزعالىپ, سوتقا جىبەرۋگە دايىندالىپ جاتىر.
سولتۇستىك قازاقستان وبلىسى