جەدەل-ىزدەستىرۋ بارىسىندا پوليتسەيلەر بۇرىن سوتتالعان 33 جاستاعى ەر ادامدى ۇستاعان, دەپ حابارلايدى Egemen.kz.
جامبىل وبلىستىق پوليتسيا دەپارتامەنتى ءباسپاسوز قىزمەتىنىڭ حابارلاۋىنشا, اتالعان وبلىستىڭ بالالار اۋرۋحاناسىنا بىلتىر جاسالعان «حاكەرلىك شابۋىل» سالدارىنان 350 ميلليون تەڭگە ۇرلانعان.
«ۇرلانعان قاراجات اۋرۋحانا شوتتارىنا قايتارىلدى. قىلمىستىق ءىستىڭ ماتەريالدارى قوسىمشا تەرگەۋ جۇرگىزۋ ءۇشىن جامبىل وبلىسى بويىنشا ەكونوميكالىق تەرگەۋ دەپارتامەنتىنە جىبەرىلدى. قر قپك-ءنىڭ 201-بابىنا سايكەس, تەرگەۋ مۇددەسىندەگى وزگە دە مالىمەتتەر جاريا ەتىلۋگە جاتپايدى», دەلىنگەن حابارلامادا.