قالالىق پروكۋراتۋرانىڭ ۇيلەستىرۋىمەن پوليتسيا دەپارتامەنتىنىڭ جۇرگىزگەن جەدەل-ىزدەستىرۋ ءىس-شارالارىنىڭ ناتيجەسىندە قر قك-ءنىڭ 99-بابىمەن (ادام ءولتiرۋ) قىلمىستىق قۇقىق بۇزۋشىلىق جاساعان قىلمىسكەر ۇستالدى, دەپ حابارلايدى Egemen.kz.
باس پروكۋراتۋرانىڭ مالىمەتىنشە, «ا» ەسىمدى ازامات 2009 جىلعى 9 قاڭتاردا «استوريا» كافەسىنىڭ جانىندا اتىس قارۋىن قولدانۋ ارقىلى اسا اۋىر قىلمىس جاساپ, تەرگەۋدەن جاسىرىنعان.
قىلمىسكەر 16 جىلدان استام ۋاقىت بويى حالىقارالىق ىزدەۋدە بولعان. قازىرگى تاڭدا كۇدىكتى ۋاقىتشا ۇستاۋ يزولياتورىنا قامالىپ, سوتقا دەيىنگى تەرگەپ-تەكسەرۋ امالدارى جۇرگىزىلىپ جاتىر.