ەندى ەلگە كىرگەن ءاربىر شەتەلدىك قوناققا شەكارا باقىلاۋىنان وتكەن كەزدە ەلەكتروندىق كوپ ءتىلدى SafeTravel.kz پورتالىنا نۇسقايتىن QR-كودى بار ارنايى كارتوچكا بەرىلەدى, دەپ حابارلايدى Egemen.kz.
ءىىم مالىمەتىنشە, QR-كودى بار ارنايى كارتوچكالاردا تۋريستەردىڭ ەلىمىزدە قاۋىپسىز ءجۇرىپ-تۇرۋىنا قاجەتتى اقپارات پەن ۇسىنىمدار, سونداي-اق پايدالى ءموبيلدى قوسىمشالاردى جۇكتەۋگە سىلتەمەلەر كورسەتىلگەن.ايتا كەتەيىك, العاشقى كارتوچكالار ەلوردانىڭ حالىقارالىق اۋەجايىندا شەتەلدىك قوناقتارعا بەرىلە باستاعان.
SafeTravel.kz پورتالىنا نۇسقايتىن QR-كودى بار ارنايى كارتوچكا تومەندەگىدەي قىزمەتتەردى ۇسىنادى:
پوليتسيامەن جەدەل بايلانىس ورناتۋعا ارنالعان «102» ءموبيلدى قوسىمشاسى, ونىڭ ىشىندە «SOS» فۋنكتسياسى; كوشى-قون زاڭناماسىن ساقتاۋ جونىندەگى جادىناما; تانىمال قوسىمشالارعا سىلتەمە مەن جۇرگەن قالانىڭ كارتاسى; رەسمي تاكسي مەن ونلاين-قىزمەتتەردىڭ ءتىزىمى; بايلانىس وپەراتورلارى مەن ولاردىڭ رەسمي سايتتارىنا سىلتەمە; ءتۇرلى وقيعالار بويىنشا ارەكەت ەتۋ الگوريتمدەرى; جەدەل جاردەم, ءورت ءسوندىرۋ مەن قۇتقارۋ سياقتى باسقا دا شۇعىل قىزمەتتەردىڭ بايلانىس نومىرلەرى قولجەتىمدى.ايتا كەتەيىك, جۇيە تۋريستەردىڭ قاۋىپسىزدىگىنە عانا ەمەس, سونىمەن قاتار شەتەلدىك ينۆەستيتسيالار ءۇشىن قولايلى ءارى ءتيىمدى ورىن رەتىندە قازاقستانعا دەگەن سەنىمدى ارتتىرۋعا باعىتتالعان.