سۋ تاسقىنىنىڭ الدىن الۋ جايىن تالقىلادى

وتكەن جىلى سۋ تاسقىنى كەزىندە مۇلكى مەن ءۇيى زاقىم­دانىپ, قيراعان ازاماتتارعا مەملەكەت تاراپىنان ايتار­لىقتاي قولداۋ كورسەتىلدى. قالپىنا كەلتىرۋ جۇمىسى­نىڭ ناتيجەسىندە, شامامەن 9 مىڭ ءۇي جوندەلىپ, 2 مىڭنان اسا جاڭا تۇرعىن ءۇي سالىندى. قوسىمشا 5 مىڭنان اسا جىلجىمايتىن م ۇلىك ساتىپ الىنعان.

سەنات توراعاسىنىڭ ورىنباسارى جاقىپ اسانوۆ سۋ تاسقىنى ەلىمىزگە بيىل دا قاۋىپ تۋدىرۋى مۇمكىن ەكەنىن اتاپ ءوتتى. ونىڭ ايتۋىنشا, كوكتەمگى سۋ تاسقىنى جىل سا­يىن حالىق پەن ينفراقۇرىلىمعا زور سىناق بولىپ وتىر. ال وتكەن جىلعى جاعداي تابيعي اپاتتىڭ قانشالىقتى جويقىن بولۋى مۇمكىن ەكەنىن كورسەتتى.

– وتكەن جىل اۋىر سىناق بولدى. سۋ تاسقىنىنان مىڭداعان وتباسى زارداپ شەكتى, ۇيلەر قۇلادى, جول مەن كوپىر ءب ۇلىندى, الەۋمەتتىك جانە كوممەرتسيالىق نىساندار قيرادى. پرەزيدەنتتىڭ ارالاسۋىمەن جەدەل شەشىم قابىلدانىپ, بارلىق مەكەمەنىڭ ۇيلەسىمدى جۇمىسى ارقىلى شىعىندار ازايدى, زارداپ شەككەندەرگە كومەك كورسەتىلىپ, ينفراقۇرىلىم قالپىنا كەلتىرىلدى. الايدا ەگەر الدىن الۋ شارالارى ۋاقتىلى جانە ءتيىستى دەڭگەيدە جۇرگىزىلسە, كوپتەگەن شىعىننىڭ الدىن الۋعا بولار ەدى. باستى مىندەت تەك سۋ تاسقىنىنىڭ سالدارىمەن كۇرەسۋ ەمەس, ونى جۇيەلى تۇردە بولدىرماۋ كەرەك, – دەدى پالاتا توراعاسىنىڭ ورىنباسارى.

ال سەناتتىڭ حالىقارالىق قاتىناستار, قورعانىس جانە قاۋىپسىزدىك كوميتەتىنىڭ توراعاسى اندرەي لۋكين سۋ تاسقىنى ەلىمىز ءۇشىن اسا كۇردەلى ماسەلەنىڭ ءبىرى بولىپ قالا بەرەتىنىن اتاپ ءوتتى. ونىڭ ايتۋىنشا, وتكەن جىلعى بۇرىن-سوڭدى بولماعان سۋ تاسقىنى اسىرەسە باتىس جانە سولتۇستىك وڭىرلەردەگى جۇزدەگەن ەلدى مەكەنگە قيىندىق تۋعىزىپ, حالىقتى ءبىراز ابىگەرگە سالدى. ول بيلىكتى تابيعي قۇبىلىستىڭ سەبەبى مەن سالدارىن تۇسىنۋگە, سونداي-اق الدىن الۋ جونىندە ءتيىمدى شارالار ازىرلەۋ ۋاكىلەتتى ورگانداردىڭ ورتاق مىندەتى ەكەنىن ايتتى.

– ءبىز مەملەكەت باسشىسىنىڭ تاپسىرمالارى قالاي ورىن­دالىپ جاتقانىن ءبىلۋ, گيدروتەحنيكالىق قۇرىلىستار مەن گيدرو­مەتەورولوگيالىق قىزمەتتەردىڭ جاي-كۇيىن تەكسەرۋ, سۋ تاس­قىنى قاۋپى جوعارى ايماقتاردا زاڭسىز قۇرىلىس ماسەلەسى­نىڭ قالاي شەشىلىپ جاتقانىن انىقتاۋعا جينالدىق. سونداي-اق تو­تەنشە جاعدايلاردى الدىن الۋعا قانداي ناقتى شارالار قا­بىل­دانىپ جاتقانىن تالقىلاپ الۋدىڭ ماڭىزى زور, – دەدى ا.لۋكين.

وتىرىس بارىسىندا توتەنشە جاعدايلار ءمينيسترى شىڭعىس ءارىنوۆ بىلتىرعى سۋ تاسقىنىنىڭ سالدارىنا تالداۋ جاساپ, كوكتەمدە قازاقستان سوڭعى 80 جىلدا بولماعان اۋقىمدى سۋ تاسقىنىنا تاپ بولعانىن ەسكە سالدى. بۇل اپات 12 وڭىردە 12 مىڭعا جۋىق جەكە تۇرعىن ءۇي مەن 62 كوپقاباتتى عيماراتتى سۋ استىندا قالدىردى. ونىڭ سالدارىن جويۋ­عا قۇتقارۋشىلار, اسكەريلەر, پوليتسيا, ۇلتتىق گۆارديا جۇمىلدىرىلىپ, اۆياتسيا مەن ينجەنەرلىك تەحنيكا تارتىلدى. ناتيجەسىندە, 35 ملن تەكشە مەتردەن اسا سۋ سورىلىپ, وزەن ارنالارىنىڭ ءتۇبىن تەرەڭدەتۋ جانە جاعالاۋدى بەكىتۋ بويىنشا اۋقىمدى جۇمىستار جۇرگىزىلدى. مينيستر وتكەن جىلى بولعان سۋ تاسقىنىن تالداۋ نەگىزىندە بيىل كوكتەمگى كەزەڭگە بەلسەندى دايىندىق جۇرگىزىلىپ جاتقانىن اتاپ ءوتتى.

سونداي-اق سۋ رەسۋرستارى جانە يرريگاتسيا ءبىرىنشى ۆيتسە-ءمينيسترى بولات بەكنياز دەپۋتاتتارعا ىقتيمال سۋ باسۋدىڭ الدىن الۋ جونىندە قابىلدانىپ جاتقان تەحنيكالىق شارالار تۋرالى باياندادى. سونىمەن قاتار 2024 جىلى قازاقستان-رەسەي بىرلەسكەن جۇمىس توبى قۇرىلىپ, ترانسشەكارالىق سۋ باسسەيندەرىندەگى گيدروتەحنيكالىق قۇرىلىستاردىڭ جۇمىسىن ۇيلەستىرۋمەن اينالىسىپ جاتقانىن ايتتى.

جەدەل قابىلدانعان شارالار ارقىلى سۋ تاسقىنىنىڭ سالدارىن بارىنشا ازايتۋعا جانە جاڭا قاۋىپتەرگە دايىندىقتى كۇشەيتۋگە مۇمكىندىك تۋدى. دەپۋتاتتار ۇكىمەت ساعاتىنىڭ قورى­تىندىسى بويىنشا بيىلعى سۋ تاسقىنى كەزىندە جان-جاق­تى دايىندىقتى جالعاستىرۋدى, گيدروتەحنيكالىق قۇرى­لىس­تاردى قارجىلاندىرۋدى ارتتىرۋدى جانە توتەنشە جاعداي­لاردىڭ الدىن الۋدىڭ زاماناۋي ادىستەرىن ەنگىزۋدى ۇسىندى.