ەڭبەك جانە حالىقتى الەۋمەتتىك قورعاۋ مينيسترلىگى «كاسىبي مەرەكەلەردىڭ تىزبەسىن بەكىتۋ تۋرالى» بۇيرىققا وزگەرىستەر ەنگىزۋدى ماقۇلدادى, دەپ حابارلايدى Egemen.kz.
قۇجاتقا سايكەس, قازاقستاندا جاڭا مەرەكەلەر پايدا بولدى:
قارجىلىق مونيتورينگ ورگاندارى كۇنى – 28 قاڭتار;
تەڭىز جانە وزەن كولىگى قىزمەتكەرلەرىنىڭ كۇنى – شىلدەنىڭ ءبىرىنشى جەكسەنبىسى;
تەمىرجول كولىگى قىزمەتكەرلەرى كۇنى – تامىزدىڭ ءبىرىنشى جەكسەنبىسى;
باقىلاۋ-ولشەۋ اسپاپتارى مەن اۆتوماتيكا سالاسى قىزمەتكەرلەرى كۇنى – قىركۇيەكتىڭ ەكىنشى جەكسەنبىسى;
قازاقستان رەسپۋبليكاسىنىڭ تەحنيكالىق جانە كاسىپتىك, ورتا بىلىمنەن كەيىنگى ءبىلىم بەرۋ قىزمەتكەرلەرى كۇنى – 2 قازان;
اۆتوموبيل كولىگى قىزمەتكەرلەرى كۇنى – قازان ايىنىڭ سوڭعى جەكسەنبىسى;
اۆتوجول سالاسى قىزمەتكەرلەرىنىڭ كۇنى – قازان ايىنىڭ سوڭعى جەكسەنبىسى;
بۋحگالتەرلىك ەسەپ جانە اۋديت سالاسى قىزمەتكەرلەرى كۇنى – 10 قاراشا;
قىلمىستىق-اتقارۋ جۇيەسى قىزمەتكەرلەرى كۇنى – 13 جەلتوقسان.
سونىمەن قاتار, اتالعان مەرەكەلەر ۇكىمەتتىڭ 2024 جىلعى 16 تامىزداعى №668 قاۋلىسىمەن بەكىتىلگەنىنە بايلانىستى ۇلتتىق ءباسپاسوز كۇنى مەن راديو كۇنى اتالعان تىزىمنەن الىپ تاستالدى.