1926 جىلدىڭ 13 قاڭتارىندا قوشكە (قوشمۇحامبەت) كەمەڭگەردىڭ «التىن ساقينا» پەساسىمەن قازاقتىڭ ءبىرىنشى كاسىبي ۇلتتىق تەاترى قازاق دراما تەاترىنىڭ (قازىرگى م.اۋەزوۆ اتىنداعى قازاق مەملەكەتتىك اكادەميالىق دراما تەاترى) رەسمي اشىلۋ ءراسىمى وتكەن بولاتىن, دەپ حابارلايدى Egemen.kz.
ونەر ۇجىمى العاش رەت 1925 جىلى قىزىلوردا قالاسىندا ۇيىمداستىرىلدى. 1929 جىلى تەاتر ترۋپپاسى الماتىعا قونىس اۋداردى. 1937 جىلى اكادەميالىق مارتەبەسىن السا, ال 1961 جىلى قازاقتىڭ زاڭعار جازۋشىسى مۇحتار اۋەزوۆتىڭ ەسىمى بەرىلدى. تەاتر ساحناسىندا حالىق شىعارماشىلىعىنىڭ تانىمال شەبەرلەرى: يسا بايزاقوۆ, امىرە قاشاۋباەۆ, سەركە قوجامقۇلوۆ, قاليبەك قۋانىشباەۆ, ت. ب. ونەر كورسەتكەن. 1926-1932 جىلدارى تەاترعا اكتەر جانە رەجيسسەر جۇمات شانين باسشىلىق جاساعان.