قازاقستان وقۋشىلارى - حالىقارالىق جارىستاردىڭ جۇلدەگەرلەرى

بيىل جاسوسپىرىمدەر اراسىنداعى تەننيستەن ۇزدىكتەر قاتارىنان كورىنگەن 11 جاسار ءجانيا بەكمۇحامبەتوۆا يتاليانىڭ لينيانو قالاسىندا وتكەن WTT Youth Contender Lignano ۇستەل تەننيسىنەن حالىقارالىق تۋرنيردە التىن مەدال جەڭىپ الدى. سپورتشى لولا ۋريا (يسپانيا), جارىس قوجايىندارى سەرەنا روسساتي جانە ەميلي كوجاكارۋ, دجۋليا فەرناندەس (يسپانيا), بيانكا توما (رۋمىنيا) سىندى قارسىلاستارىن 3:0 ەسەبىمەن, ال ايالگۋ ەردەنەحۋياگتى (موڭعوليا) 3:2 ەسەبىمەن جەڭدى. ايتا كەتەيىك, بۇعان دەيىن وسى تۋرنيردە ءجانيا 13 جاسقا دەيىنگى سپورتشىلار اراسىنداعى جارىستا ءۇشىنشى ورىندى يەلەنگەن ەدى.

كلاسسيكالىق شاحماتتان وقۋشىلار اراسىندا پەرۋ استاناسى ليمادا 2024 جىلعى الەم چەمپيوناتى ءوتتى. استانالىق ايارۋ التىنبەك 13 جاسقا دەيىنگى وقۋشىلار اراسىندا التىن مەدالدى جەڭىپ الدى. ەلورداداعى №9 «زەردە» مامانداندىرىلعان ليتسەيىنىڭ وقۋشىسى جارىستىڭ اياقتالۋىنا ءبىر تۋر قالعاندا, مەرزىمىنەن بۇرىن جەڭىسكە جەتتى.

ەگيپەتتە 1-8 قىركۇيەك ارالىعىندا ينفورماتيكادان IOI-2024 حالىقارالىق وليمپياداسى ءوتتى. وعان 90 ەلدەن 350 وقۋشى قاتىستى. قازاقستان قۇراماسىنىڭ قاتارىندا:

ماكسيم تسوي – الماتى ق. رفمم 10 سىنىپ وقۋشىسى;

احمەت يسا – س. شاۋحامانوۆ اتىنداعى دارىندى بالالارعا ارنالعان ء«بىلىم-يننوۆاتسيا» قىزىلوردا وبلىستىق ليتسەي-ينتەرناتىنىڭ 10 سىنىپ وقۋشىسى;

نازار سەرازيتدينوۆ – الماتى قالاسىنداعى Haileybury Almaty مەكتەبىنىڭ 11 سىنىپ وقۋشىسى;

مانسۇر تايماس – اتىراۋ وبلىستىق №1 ء«بىلىم-يننوۆاتسيا» ليتسەي-ينتەرناتىنىڭ 11 سىنىپ وقۋشىسى بار.

بۇل جەتىستىكپەن قازاق وقۋشىلارى بيىلعى جەتى بەدەلدى حالىقارالىق وليمپيادالارعا قاتىسۋىن قورىتىندىلايدى. ءبىزدىڭ قۇراما كوماندالار IMO (ماتەماتيكا), IPhO (فيزيكا), IBO (بيولوگيا), IChO (حيميا), IOL (لينگۆيستيكا), IGeO (گەوگرافيا) جانە IOI (ينفورماتيكا) قاتىسىپ, ناتيجەسىندە 26 مەدال جانە 1 گراموتاعا يە بولدى.

بيىل ساۋد ارابياسىندا IChO-2024 (International Chemistry Olympiad دۇنيەجۇزىلىك ەڭ بەدەلدى توپ-7 وليمپيادالاردىڭ قاتارىنا كىرەدى) حيميادان 56-ءشى حالىقارالىق وليمپيادا ءوتتى. بۇل جارىستان ءبىزدىڭ بارلىق وقۋشىمىز جۇلدەلى ورىنداردى يەلەندى.ء بىزدىڭ قۇرامامىز ءۇشىنشى جىل قاتارىنان جوعارى ناتيجە كورسەتىپ كەلەدى, بيىل جاس حيميكتەرىمىز قوس التىن, ءبىر كۇمىس جانە ءبىر قولا مەدال يەلەنىپ, 100% ناتيجە كورسەتتى.

رينات يليۋسيزوۆ — پاۆلودار قالاسىنىڭ دارىندى بالالارعا ارنالعان № 8 ليتسەي-مەكتەبىنىڭ 11 سىنىپ وقۋشىسى;

كيريلل كيم — استانا قالاسىنداعى فيزيكا-ماتەماتيكا باعىتىنداعى نزم 11-سىنىپ وقۋشىسى;

ابىلاي كابدۋلحادىر — استانا قالاسىنداعى فيزيكا-ماتەماتيكا باعىتىنداعى نزم 11-سىنىپ وقۋشىسى;

ءادىلجان مولداعۇل —اقتاۋ قالاسى, ء«بىلىم-يننوۆاتسيا» ليتسەي-ينتەرناتىنىڭ 11-سىنىپ وقۋشىسى.

سونداي-اق ۇلىبريتانيادا وتكەن 65-ءشى حالىقارالىق ماتەماتيكا وليمپياداسىندا قازاقستان قۇراما كومانداسىنىڭ قورجىنى بەس مەدالمەن تولىققان ەدى. قازاقستان كومانداسىنىڭ قۇرامى:

2-ورىن: شارەل مارعۇلان – جامبىل وبلىستىق دارىندى ەر بالالارعا ارنالعان مامانداندىرىلعان ء«بىلىم-يننوۆاتسيا» ليتسەي-ينتەرناتىنىڭ 10-سىنىپ وقۋشىسى;

2-ورىن: اميرلان امانجولوۆ – الماتى قالاسىنداعى رەسپۋبليكالىق فيزيكا-ماتەماتيكا مەكتەبىنىڭ 10-سىنىپ وقۋشىسى;

2-ورىن: ميرون يۋركەۆيچ – الماتى قالاسىنداعى Haileybury Almaty حالىقارالىق مەكتەبىنىڭ 11-سىنىپ وقۋشىسى;

3-ورىن: جان داۋتوۆ – قوستاناي وبلىستىق دارىندى بالالارعا ارنالعان ء«بىلىم-يننوۆاتسيا» ليتسەي-ينتەرناتىنىڭ 11-سىنىپ وقۋشىسى;

3-ورىن: ۆلاديمير روگوۆسكي – پاۆلودار قالاسى دارىندى بالالارعا ارنالعان №8 ليتسەي-مەكتەبىنىڭ 11-سىنىپ وقۋشىسى.

الماتى قالاسىنداعى رەسپۋبليكالىق فيزيكا-ماتەماتيكا مەكتەبىنىڭ 10-سىنىپ وقۋشىسى دىنمۇحامەد ەگەۋباەۆ ماقتاۋ گراموتاسىنا يە بولدى. ايتا كەتەيىك, IMO ماتەماتيكادان حالىقارالىق وليمپيادا الەمدىك توپ-7 وليمپيادالاردىڭ (IPHO, IBO, IOI, IChO, IGeO IOL) قاتارىنا كىرەدى.

تاعى ءبىر ءباسى بيىك بايقاۋلاردىڭ ءبىرى - گرەكيادا وتكەن FIRST Global Challenge چەمپيوناتىندا ەلىمىزدىڭ جاس عالىمدارى وزدەرىنىڭ بىلىمپازدىعىن دالەلدەگەن ەدى. قازاقستان وقۋشىلارى بىرنەشە باعىت بويىنشا كوش باستاپ قانا قويماي, 190 ەلدىڭ اراسىنان باستى جۇلدەنى جەڭىپ الىپ, رەكوردتىق ناتيجەگە قول جەتكىزدى. وسىلايشا, قازاقستان قۇراماسى ءۇشىنشى جىل قاتارىنان ءوزىنىڭ چەمپيوندىق تيتۋلىن دالەلدەپ كەلەدى. ەل قۇرامىنا الماتى قالاسىنىڭ فمب نزم-ءنىڭ وقۋشىلارى: ەرداۋلەت تۇرگەنباەۆ, ءالفيا بايجاقىپ, نۇرجان كوكەەۆ, دوسجان دايران جانە قادىلبەك داستان بولدى. 

سونىمەن قاتار قازاقستان وقۋشىلارى يراننىڭ يسفاحان قالاسىندا وتكەن IPHO-2024 54-ءشى حالىقارالىق فيزيكا وليمپياداسىندا جۇلدەلى ورىندارعا يە بولدى. قازاقستان قۇراما كومانداسى ءتورت كۇمىس جانە ءبىر قولا مەدال يەلەنىپ, 100% كورسەتكىشكە قول جەتكىزدى.

مارعۇلان نۇرساعاتوۆ — الماتى قالاسىنداعى رەسپۋبليكالىق فيزيكا-ماتەماتيكا مەكتەبىنىڭ 11-سىنىپ وقۋشىسى;

دوسجان بيسيمبي — الماتى قالاسىنداعى «ميراس» حالىقارالىق مەكتەبىنىڭ 12-سىنىپ وقۋشىسى;

ارتۋر كيم — اقتوبە وبلىستىق دارىندى جاسوسپىرىمدەرگە ارنالعان مامانداندىرىلعان ء«بىلىم-يننوۆاتسيا» ليتسەي-ينتەرناتىنىڭ 11-سىنىپ وقۋشىسى;

ءامىر پشەنباەۆ — استانا قالاسى دارىندى ەر بالالارعا ارنالعان ء«بىلىم-يننوۆاتسيا» ليتسەي-ينتەرناتىنىڭ 11-سىنىپ وقۋشىسى;

يلياس قازىمبەك — استانا قالاسىنداعى رەسپۋبليكالىق فيزيكا-ماتەماتيكا مەكتەبىنىڭ 9-سىنىپ وقۋشىسى.

2024 جىلدىڭ 7-14 شىلدە ارالىعىندا استانادا IBO-2024 بيولوگيادان 35-ءشى حالىقارالىق وليمپيادا ءوتتى. بۇل وقۋشىلار اراسىنداعى ەڭ بەدەلدى وليمپيادالاردىڭ ءبىرى. الەمنىڭ ءار تۇكپىرىنەن كەلگەن ەڭ مىقتى 305 جاس بيولوگتار باق سىنادى. وليمپياداعا, قازاقستان قۇراما كومانداسىنىڭ مۇشەسى ەلوردالىق زياتكەر باقتىباي عالىمجان قاتىسىپ, قولا مەدال يەلەندى.

(فوتو: instagram.com/bil.astana)

25-29 ماۋسىم ارالىعىندا تۇركيانىڭ انتاليا قالاسىندا بالقان تۇبەگىنىڭ 22 ەلىنەن كەلگەن 135 وقۋشى اراسىندا JBMO 2024 بالقان حالىقارالىق جاسوسپىرىمدەر وليمپياداسى ءوتتى. بۇل جارىستا ەلىمىزدىڭ اتىنان قاتىسقان بارلىق التى وقۋشى جۇلدەلى ورىندارعا يە بولىپ, 100 پايىزدىق ناتيجە كورسەتتى. 

قورىتا كەلە, 2024 جىل قازاق بالالارىنىڭ بىلىمگە, عىلىمعا, سپورتقا جانە قوعامعا قوسقان ۇلەسىن ايقىنداپ بەردى. ولاردىڭ تابىستارى قازاقستان بولاشاعى جارقىن ەكەنىن جانە الەمدىك ارەنادا ەلىمىزدىڭ مارتەبەسىن بيىكتەتە بەرەتىنىن كورسەتتى.