13 جەلتوقسان كۇنى استانا مەن بۋرابايدى بايلانىستىراتىن جاڭا برەندتىك پويىز ىسكە قوسىلادى, دەپ جازادى Egemen.kz.
جاڭا تۋريستىك پويىز - استانا, اقمولا وبلىسى اكىمدىكتەرىنىڭ جانە «جولاۋشىلار تاسىمالى» اق بىرلەسكەن جوباسى.
پويىز ۆاگوندارى ەلىمىزدەگى زيكستو زاۋىتىندا شىعارىلعان. ۆاگونداردىڭ ىشىندە زاماناۋي كونديتسيونەر جۇيەسى, ليفت جانە مۇمكىندىگى شەكتەۋلى جاندارعا ارنالعان ورىندار, سونداي-اق قورشاعان ورتاعا از اسەر ەتەتىن ەكولوگيالىق تازا دارەتحانا بار.
پويىز نۇرلى جول (استانا) ستانتسيالارى مەن بۋراباي كۋرورتى اراسىندا توقتاۋسىز جۇرەتىن بولادى. جول ءجۇرۋ ۋاقىتى 2 ساعات 26 مينۋتتى قۇرايدى. ال بيلەت قۇنى نۇرلى جول ستانتسياسىنان – 2770 تەڭگە, استانا ستانتسياسىنان - 2548 تەڭگە.
«پويىزدى ىسكە قوسۋ ءۇشىن ۆاگونداردىڭ بىرەگەي ديزاينى جاسالدى. سىرتقى بەزەندىرۋگە بايتەرەك, قازاق ەلى مونۋمەنتى, نۇر-الەم مۇراجايى جانە ششۋچە-بۋراباي كۋرورتتىق ايماعىنىڭ كوركەم پەيزاجدارى سياقتى استانا مەن بۋرابايدىڭ كورنەكتى جەرلەرىنىڭ بەينەلەرى كىرەدى. سونداي-اق ۆاگونداردا Visit Astana جانە Visit Aqmola وڭىرلەرىنىڭ تۋريستىك برەندتەرى ورنالاستىرىلعان. ۆاگونداردىڭ ىشكى بەزەندىرىلۋى استانا قالاسىنىڭ مادەني ەرەكشەلىكتەرىن جانە كۋرورتتىڭ تابيعي سۇلۋلىعىن كورسەتەدى», دەلىنگەن استانا قالاسى اكىمدىگىنىڭ حابارلاماسىندا.
پويىزدىڭ تاعى ءبىر ەرەكشەلىگى - ەكسكليۋزيۆتى اۋديو تۋر. ساپار بارىسىندا جولاۋشىلار استانا مەن بۋرابايدىڭ تاريحى, مادەنيەتى مەن تابيعي بايلىعى تۋرالى قىزىق فاكتىلەردى بىلە الادى.