ۇلتتىق قاۋىپسىزدىك كوميتەتىنىڭ شەكارا قىزمەتى قاراشا ايىندا مەملەكەتتىك شەكارا ارقىلى زاڭسىز ءوتۋ ارەكەتىنىڭ 1313 فاكتىسىن تىركەدى, دەپ حابارلايدى Egemen.kz ۇلتتىق قاۋىپسىزدىك كوميتەتىنىڭ ءباسپاسوز قىزمەتىنە سىلتەمە جاساپ.
ۆەدومستۆونىڭ مالىمەتىنشە, شەكارالىق ايماقتا قازاقستان رەسپۋبليكاسىنىڭ زاڭناماسىن بۇزعان 5 785 ادام ۇستالدى, ونىڭ ىشىندە: شەكارانى بۇزعانى ءۇشىن – 17 شەتەل ازاماتى; شەكارانى بۇزۋعا ارەكەتتەنگەنى ءۇشىن – 19 شەتەل ازاماتى بار.
«مەملەكەتتىك شەكارا ارقىلى زاڭسىز ءوتۋدىڭ 1313 فاكتىسىنە جول بەرىلمەدى, ونىڭ ىشىندە: ەسىرتكى زاتتارى – 26 فاكتى; قارۋ, وق-دارىلەر – 62 فاكتى (30 بىرلىك سۋىق قارۋ, 1 بىرلىك اتىس قارۋى, 1 بىرلىك پنەۆماتيكالىق قارۋ, 43 دانا سۋىق قارۋ, 136 دانا وق-ءدارى, 18 دانا ەلەكتروشوك); ءدىني ادەبيەتتەر – 35 فاكت (1 215 دانا); جانار-جاعارماي ماتەريالدارى -جالپى سوماسى 50 ميلليون تەڭگەدەن اساتىن 414 فاكت (55 000 ليتردەن استام); حالىق تۇتىناتىن تاۋارلار - جالپى سوماسى 3,5 ميلليارد تەڭگەدەن اساتىن 644 فاكتى تىركەلدى», دەلىنگەن حابارلاما.
سونداي-اق كاسپي تەڭىزىندە براكونەرلىكتىڭ جەتى فاكتىسى انىقتالعانى اتاپ ءوتىلدى.
ء«جۇزۋ قۇرالدارى - 1 بىرلىك; براكونەرلىك اۋلاۋ قۇرالدارى - 44,3 كيلومەتر تور; بەكىرە تۇقىمداس بالىقتار - 206 دانا (1 633 كيلوگرامم); جارتىلاي بالىق تۇرلەرى - 46 دانا (30 كيلوگرامم); يتبالىقتار - 28 دانا; الدىن الىنعان زالال سوماسى شامامەن 620 ميلليون تەڭگەنى قۇرادى», دەپ حابارلادى ۇلتتىق قاۋىپسىزدىك كوميتەتى.
اتالعان فاكتىلەر بويىنشا ماتەريالدار قۇقىق بۇزۋشىلاردى جاۋاپكەرشىلىككە تارتۋ ءۇشىن قۇقىق قورعاۋ جانە سوت ورگاندارىنا جولداندى. مەملەكەتتىك شەكارادا شەكتەۋ شارالارى ەنگىزىلگەن جوق, بارلىق وتكىزۋ پۋنكتى ادەتتەگىدەي جۇمىس ىستەيدى.